ഭീതിജനകമായ അന്തരീക്ഷത്തില്‍ കഥ പറയുന്ന ഒരു അസാധാരണ മര്‍ഡര്‍ മിസ്റ്ററി ഫിലിം .
ദി വേജസ് ഓഫ് ഫിയര്‍ എന്ന അഡ്വഞ്ചര്‍ ത്രില്ലെറിന് ശേഷം ഹെന്രി ജോര്‍ജ് ക്ലുസോട്ട് സംവിധാനം ചെയ്ത ചിത്രമാണ് ലെസ് ഡയബോളിക്സ് . ഹൊറര്‍ ക്രൈം ,മിസ്റ്ററി ,ത്രില്ലെര്‍ ജോണറുകളെ സമന്വയിപ്പിച്ച് ഒരുക്കിയ ഒരു അപൂര്‍വ ചിത്രം . ഒരു ഫ്രഞ്ച് നോവലിനെ ആധാരമാക്കിയാണ് ചിത്രം ഒരുക്കിയിരിക്കുന്നത് .നോവല്‍ വായിച്ചു ഇഷ്ട്ടപ്പെട്ട ആല്‍ഫ്രഡ്‌ ഹിച്കോക്കിന് ഈ ചിത്രം ചെയ്യണമെന്നു ആഗ്രഹമുണ്ടായിരുന്നു .എന്നാല്‍ ഹിച്ച്കോക്കിന് മുന്‍പേ ക്ലുസോട്ട് നോവല്‍ ചിത്രമാക്കാനുള്ള റൈറ്റ്സ് വാങ്ങി കഴിഞ്ഞിരുന്നു . എക്കാലത്തെയും മികച്ച ഒരു സസ്പെന്‍സ് ത്രില്ലെര്‍ ഒരുക്കാന്‍ ക്ലുസോട്ടിനു സാധിച്ചു . ഹിച്ച്കോക്ക് ചെയ്തിരുന്നെങ്കില്‍ പോലും ഇതിലും മികച്ചതാക്കാന്‍ കഴിയുമായിരുന്നു എന്ന് തോന്നുന്നില്ല .
ദി വേജസ് ഓഫ് ഫിയര്‍ എന്ന അഡ്വഞ്ചര്‍ ത്രില്ലെറിന് ശേഷം ഹെന്രി ജോര്‍ജ് ക്ലുസോട്ട് സംവിധാനം ചെയ്ത ചിത്രമാണ് ലെസ് ഡയബോളിക്സ് . ഹൊറര്‍ ക്രൈം ,മിസ്റ്ററി ,ത്രില്ലെര്‍ ജോണറുകളെ സമന്വയിപ്പിച്ച് ഒരുക്കിയ ഒരു അപൂര്‍വ ചിത്രം . ഒരു ഫ്രഞ്ച് നോവലിനെ ആധാരമാക്കിയാണ് ചിത്രം ഒരുക്കിയിരിക്കുന്നത് .നോവല്‍ വായിച്ചു ഇഷ്ട്ടപ്പെട്ട ആല്‍ഫ്രഡ്‌ ഹിച്കോക്കിന് ഈ ചിത്രം ചെയ്യണമെന്നു ആഗ്രഹമുണ്ടായിരുന്നു .എന്നാല്‍ ഹിച്ച്കോക്കിന് മുന്‍പേ ക്ലുസോട്ട് നോവല്‍ ചിത്രമാക്കാനുള്ള റൈറ്റ്സ് വാങ്ങി കഴിഞ്ഞിരുന്നു . എക്കാലത്തെയും മികച്ച ഒരു സസ്പെന്‍സ് ത്രില്ലെര്‍ ഒരുക്കാന്‍ ക്ലുസോട്ടിനു സാധിച്ചു . ഹിച്ച്കോക്ക് ചെയ്തിരുന്നെങ്കില്‍ പോലും ഇതിലും മികച്ചതാക്കാന്‍ കഴിയുമായിരുന്നു എന്ന് തോന്നുന്നില്ല .
1950 കളിലെ ഒരു ഫ്രഞ്ച് ബോര്‍ഡിംഗ് സ്കൂളിനെ കേന്ദ്രീകരിച്ചാണ് കഥ പറയുന്നത് . പരുഷ സ്വഭാവക്കാരനായ മിഷേല്‍ ആണ് സ്കൂള്‍ നടത്തികൊണ്ട് പോകുന്നത് . മിഷേലിന്റെ ഭാര്യയും സ്കൂളിലെ ടീച്ചറുമായ ക്രിസ്റ്റിനയാണ് സ്കൂളിന്റെ യഥാര്‍ത്ഥ ഉടമ .സ്കൂളിലെ മറ്റൊരു ടീച്ചര്‍ ആയ നികോള്‍ ഹോര്‍ണരുമായുള്ള ബന്ധം പരസ്യമായ രഹസ്യമാണ് . തന്റെ ഭാരതാവിന്റെ കാമുകിയായ നിക്കോളുമായി ക്രിസ്റ്റിന നല്ലൊരു ചങ്ങാത്തം സ്ഥാപിച്ചതായി ചിത്രത്തിന്റെ ആദ്യരംഗങ്ങളില്‍ കാണാം . ഇവരെ ഒരുമിച്ചു നിര്‍ത്തുന്നതിന്റെ പ്രധാന കാരണം മിഷേലിനോട് ഇരുവര്‍ക്കുമുള്ള വെറുപ്പ്‌ ആയിരുന്നു .ഇരുവരുടെയും ജീവിതത്തിലെ കറുത്ത അദ്ധ്യായമായ മിശേലിനെ ഇല്ലാതാക്കാനുള്ള ഐഡിയ ആദ്യമായി മുന്നോട്ടു വെച്ചത് നിക്കോള്‍ ആണ് . സ്വതവേ മനോബലം കുറവുള്ള ക്രിസ്റ്റിന ഇതിനോട് വിയോജിപ്പ് പ്രകടിപ്പിച്ചെങ്കിലും സാഹചര്യങ്ങളുടെ സമ്മര്‍ദം മൂലം ഭര്‍ത്താവിനെ കൊലപ്പെടുത്താന്‍ ഒടുവില്‍ തയ്യാറാകുന്നു .ദൂരെയുള്ള നിക്കോളിന്റെ അപ്പാര്‍ട്ട്മെന്റിലേക്ക് മിഷേലിനെ വിളിച്ചു വരുത്തുകയായിരുന്നു ആദ്യ പടി . മദ്യത്തില്‍ മയക്കു പൊടി ചേര്‍ത്ത് മിഷേലിന്റെ ബോധം നഷ്ട്ടപ്പെടുതിയത്തിനു ശേഷം ഇരുവരും ചേര്‍ന്ന് ബാത്ത് ടബ്ബില്‍ ശ്വാസം മുട്ടിച്ചു കൊലപ്പെടുത്തുന്നു .സ്കൂളിലെ സ്വിമ്മിംഗ് പൂളില്‍ ആരുമറിയാതെ ശവം കൊണ്ടിടുകയായിരുന്നു അടുത്ത നടപടി . എല്ലാം പെര്‍ഫെക്റ്റ് ആയി പഴുതുകളില്ലാതെ പൂര്‍ത്തിയാക്കി .
പിറ്റേന്ന് ശവം ആരുടേയെങ്കിലും ശ്രദ്ധയില്‍ പെടും എന്ന പ്രതീക്ഷയില്‍ ടെന്‍ഷനോടെ ഇരുവരും കാത്തിരിപ്പ് തുടങ്ങി . എന്നാല്‍ ശവം മിസ്സിംഗ്‌ ആണ് എന്ന ഞെട്ടിപ്പിക്കുന്ന സത്യം ഭീതിയോടെ അവര്‍ മനസിലാക്കി . വിചിത്രമായ സംഭവങ്ങളാണ് പിന്നീട് അരങ്ങേറുന്നത് .ഭയാനകമായ ഒരു അന്തരീക്ഷത്തിലേക്ക് ചിത്രം വഴി മാറുന്നു . മിഷേലിന്റെ ഒരു അദൃശ്യ സാമീപ്യം അവരെ വേട്ടയാടുന്ന പോലെ ഇരുവര്‍ക്കും അനുഭവപ്പെടാന്‍ തുടങ്ങുന്നു .
പിറ്റേന്ന് ശവം ആരുടേയെങ്കിലും ശ്രദ്ധയില്‍ പെടും എന്ന പ്രതീക്ഷയില്‍ ടെന്‍ഷനോടെ ഇരുവരും കാത്തിരിപ്പ് തുടങ്ങി . എന്നാല്‍ ശവം മിസ്സിംഗ്‌ ആണ് എന്ന ഞെട്ടിപ്പിക്കുന്ന സത്യം ഭീതിയോടെ അവര്‍ മനസിലാക്കി . വിചിത്രമായ സംഭവങ്ങളാണ് പിന്നീട് അരങ്ങേറുന്നത് .ഭയാനകമായ ഒരു അന്തരീക്ഷത്തിലേക്ക് ചിത്രം വഴി മാറുന്നു . മിഷേലിന്റെ ഒരു അദൃശ്യ സാമീപ്യം അവരെ വേട്ടയാടുന്ന പോലെ ഇരുവര്‍ക്കും അനുഭവപ്പെടാന്‍ തുടങ്ങുന്നു .
ആകാംഷയുടെ മുള്‍മുനയില്‍ നിര്‍ത്തുന്ന തരത്തില്‍ ആണ് ചിത്രത്തിന്റെ ക്ലൈമാക്സ്‌ ഒരുക്കിയിരിക്കുന്നത് . ഷോക്കിംഗ് ക്ലൈമാക്സ്‌ എന്ന് തന്നെ വിശേഷിപ്പിക്കാം . ചിത്രത്തിന്റെ സസ്പെന്‍സ് ഒട്ടും ചോരാത്ത തരത്തില്‍ വളരെ മിതത്വത്തോടെ മികച്ച രീതിയില്‍ ചിത്രം ഒരുക്കാന്‍ ക്ലുസോട്ടിനു സാധിച്ചിട്ടുണ്ട് .ചിത്രത്തില്‍ അഭിനയിച്ചവരും മികച്ച പ്രകടനം കാഴ്ച വെച്ചിട്ടുണ്ട് .
എക്കാലത്തെയും മികച്ച ത്രില്ലെറുകളില്‍ ഈ ഫ്രഞ്ച് ചിത്രത്തിന്റെ സ്ഥാനം മുന്‍നിരയില്‍ തന്നെ കാണും .എന്നെ വിസ്മയിപ്പിച്ച ബ്ലാക്ക്‌ ആന്‍ഡ്‌ വൈറ്റ് ചിത്രങ്ങളുടെ ലിസ്റ്റിലേക്ക് ഒരെണ്ണം കൂടി .
തീര്‍ച്ചയായും കണ്ടിരിക്കേണ്ട ഒരു ചിത്രം .
തീര്‍ച്ചയായും കണ്ടിരിക്കേണ്ട ഒരു ചിത്രം .
IMDB:8.2/10
RT:97%
