ഹൂ ഈസ്‌ അഫ്രൈഡ് ഓഫ് വിര്‍ജിനിയ വൂള്‍ഫ്? ഈ പേരില്‍ തുടങ്ങുന്നു ചിത്രത്തിന്റെ മഹാത്മ്യം .ചിത്രത്തിന്റെ രസകരമായ എന്നാല്‍ സങ്കീര്‍ണമായ സ്വഭാവം ഈ ടൈറ്റിലില്‍ തന്നെ ഒളിഞ്ഞു കിടപ്പുണ്ട് .
ജോര്‍ജ് -മാര്‍ത്ത ദമ്പതികളുടെ വസതിയിലെ ഒരു രാത്രിയില്‍ നടക്കുന്ന സംഭവവികാസങ്ങള്‍ ആണ് ചിത്രം പറയുന്നത് .
ഇംഗ്ലണ്ടിലെ ഒരു കോളേജിലെ ഹിസ്റ്ററി പ്രോഫെസര്‍ ആണ് ജോര്‍ജ് .അതെ കോളേജിലെ പ്രസിഡനടിന്റെ മകള്‍ ആയ മാര്‍ത്ത ആണ് ജോര്‍ജിന്റെ ഭാര്യ .വാര്ധക്യത്തിലേക്ക് കാലെടുത്തു വെക്കുന്ന ഈ ദമ്പതികളുടെ റിലേഷന്‍ഷിപ്‌ കുറച്ചധികം സങ്കീര്‍ണതകള്‍ നിറഞ്ഞതാണ്‌ . അവരുടെ ഇമോഷണല്‍ ഗെയിംസ് ,പരസ്പരം മുറിവേല്‍പ്പിക്കാനുള്ള വാക്പ്രയോഗങ്ങള്‍ ഒക്കെ ആദ്യ രംഗങ്ങളില്‍ തന്നെ പ്രേക്ഷകര്‍ക്ക്‌ കാണാം . ഈ രാത്രിയില്‍ അവര്‍ക്ക് രണ്ടു അതിഥികള്‍ കൂടിയുണ്ട് .കോളേജില്‍ പുതുതായി വന്ന ബയോളജി പ്രോഫെസര്‍ നിക്ക് ,പിന്നെ അയാളുടെ ഭാര്യ ഹണി .വൈകാതെ നിക്കും ഹണിയും എത്തി ചേരുന്നു . അതിഥി സല്‍ക്കാരതിനിടക്ക് ജോര്‍ജും മാര്‍ത്തയും വാചക കസര്‍ത്ത് ആരംഭിക്കുന്നു . ഇതിനിടയ്ക്ക് മാര്‍ത്ത തന്റെ ഭര്‍ത്താവിനെ അതിഥികളുടെ മുന്നില്‍ വെച്ച് തരം താഴ്ത്തുന്ന രീതിയില്‍ സംസാരിക്കുന്നു . ഇതെല്ലാം വിരുന്നുകാര്‍ക്കു ആദ്യം അമ്പരപ്പ് ഉണ്ടാക്കുന്നു . എന്നാല്‍ പിന്നീട് അതിഥികളും അവരുടെ ഇമോഷണല്‍ ഗെയിംസില്‍ പങ്കാളികളാകുന്നു .ലഹരിയില്‍ മുങ്ങിയ രസകരമായ ഒരു രാത്രിയുടെ തുടക്കമായിരുന്നു അത് .
ആകെ 4 കഥാപത്രങ്ങള്‍ മാത്രമാണ് ചിത്രത്തിലുള്ളത് .ചുരുങ്ങിയ കഥാപാത്രങ്ങളെ വെച്ച് ഒരു രാത്രി മാത്രം നടക്കുന്ന സംഭവങ്ങള്‍ രണ്ടു മണിക്കൂറില്‍ ഒട്ടും ബോറടിപ്പിക്കാതെ പറഞ്ഞിട്ടുണ്ട് ചിത്രം . സസ്പെന്‍സ് നില നിര്‍ത്തി കൊണ്ടുള്ള ഒരു മികച്ച ക്ലൈമാക്സ്‌ ആണ് ചിത്രത്തിനുള്ളത് .
ഒരു കാലഘട്ടത്തിലെ സൌന്ദര്യ ചിഹ്നമായിരുന്ന എലിസബത്ത്‌ ടൈലര്‍ ആണ് മാര്‍ത്തയുടെ വേഷം അവതരിപ്പിച്ചത് . മാര്‍ത്ത എന്ന കോമ്പ്ലെക്സ് കഥാപാത്രത്തെ അനശ്വരമാക്കിയതിനു എലിസബത്ത്‌ ടൈലറിന് ആ വര്‍ഷത്തെ ബെസ്റ്റ് ആക്ട്രെസ് അക്കാദമി പുരസ്കാരവും ലഭിച്ചു .റിച്ചാര്‍ഡ്‌ ബര്‍ട്ടന്‍, ജോര്‍ജ് എന്ന കഥാപാത്രത്തെ എപ്പോഴത്തെയും പോലെ മികച്ചതാക്കിയിട്ടുണ്ട് . ചിത്രത്തിന് 13 ഓസ്കാര്‍ നോമിനേഷന്‍ ഉണ്ടായിരുന്നെങ്കിലും അഞ്ചെണ്ണം ആണ് വിന്‍ ചെയ്തത് . മൈക്ക് നിക്കോള്‍സ് എന്ന സംവിധായകന്‍ ഒരു തുടക്കക്കാരന്‍ എന്ന് തോന്നിപ്പിക്കാത്ത വിധം മികച്ചതാക്കി ചിത്രം ചെയ്തിട്ടുണ്ട് .പുള്ളിയുടെ കരിയറിലെ മികച്ച ഫിലിം ഇത് തന്നെയാണെന്ന് ഞാന്‍ വിശ്വസിക്കുന്നു .
മികച്ച തിരക്കഥ കൊണ്ടും അഭിനയ പ്രകടങ്ങള്‍ കൊണ്ടും സമ്പന്നമായ ഒരു ബ്ലാക്ക്‌ കോമഡി ഡ്രാമ . തീര്‍ച്ചയായും കാണുക .
IMDB:8.1/10
RT:94%
IMDB:8.1/10
RT:94%
No comments:
Post a Comment