എന്തിനാണ് നിങ്ങള്‍ വസ്ത്രങ്ങളെ ചൊല്ലി ഉത്കണ്ഠപ്പെടുന്നത് ? വയലിലെ പൂക്കളെ നോക്കൂ .അവ എങ്ങനെയാണു വളരുന്നത് എന്ന് നോക്കുക .അവര്‍ അധ്വനിക്കുന്നില്ല . വസ്ത്രങ്ങള്‍ ഉണ്ടാക്കുന്നില്ല - മത്തായി 6:28ലില്ലീസ് ഓഫ് ദി ഫീല്‍ഡ് എന്ന പേരിന്റെ ഉറവിടം ഈ വചനമാണ് . ലളിതവും മനോഹരവുമായ ഒരു സിഡ്നി പോയിറ്റര്‍ ചിത്രം .
നിത്യ സഞ്ചാരിയും പലതൊഴിലില്‍ സമര്‍ത്ഥനുമായ ഹോമര്‍ സ്മിത്ത് അരിസോണയുടെ മരുപ്രദേശങ്ങളിലൂടെ യാത്രയിലാണ് . കാറിന്റെ റേഡിയേറ്ററിലേക്ക് വെള്ളം ശേഖരിക്കാനായി സ്മിത്ത് ഒരു കന്യാസ്ത്രീ മന്ദിരത്തിനു മുന്‍പില്‍ കാര്‍ നിര്ത്തുന്നു . ജര്‍മ്മനിയില്‍ നിന്നും ആസ്ട്രിയയില്‍ നിന്നും ഹംഗറിയില്‍ നിന്നുമായി കുടിയേറിയെത്തിയ കന്യാസ്ത്രീകള്‍ ആയിരുന്നു അവിടുത്തെ അന്തേവാസികള്‍ . ഇംഗ്ലീഷ് ഭാഷ വശമില്ലത്തവരായിരുന്നു അവര്‍ . മദര്‍ സുപ്പീരിയറായ മരിയ തനിക്കറിയാവുന്ന ഇംഗ്ലീഷില്‍ സ്മിത്തിനു അവരെയെല്ലാം പരിചയപ്പെടുത്തി . തങ്ങളുടെ പ്രാര്‍ത്ഥനയ്ക്ക് ഉത്തരമായി ദൈവമാണ് സ്മിത്തിനെ അവിടെയെത്തിച്ചത് എന്ന് മദര്‍ മരിയ വിശ്വസിക്കുന്നു . സ്മിത്ത് പോകാന്‍ തുടങ്ങവേ ഒരു ദിവസത്തെ ജോലി എന്ന പേരില്‍ മദര്‍ അയാളെ അവിടെ താമസിപ്പിക്കുന്നു . എന്നാല്‍ പിറ്റേ ദിവസം അവിടെ നിന്നും പുറപ്പെടാന്‍ തയ്യാറായ സ്മിത്ത് ശമ്പളം ചോദിച്ചപ്പോള്‍ മദര്‍ അത് കണ്ടില്ലെന്നു നടിച്ചു കൊണ്ട് അവിടെ ഒരു ചാപ്പേല്‍ (കൊച്ചു പള്ളി)നിര്മിക്കുന്നതിനെ പറ്റി സൂചിപ്പിക്കുന്നു . ആദ്യം വിസമ്മതിചെങ്കിലും മദര്‍ മരിയയുടെ അധികാര സ്വരം അവിടെ തുടരാന്‍ സ്മിത്തിനെ പ്രേരിപ്പിക്കുന്നു . സ്മിത്തും കന്യാസ്ത്രീകളും തമ്മില്‍ മാനസികമായി ഒരു അടുപ്പം ഉണ്ടായി തുടങ്ങുന്നു . അവരുടെ ഇംഗ്ലീഷ് ടീച്ചറും സാരഥിയും എല്ലാം സ്മിത്ത് തന്നെ ആയിരുന്നു . എന്നാല്‍ ചാപ്പേല്‍ പണി തുടങ്ങാനുള്ള ഇഷ്ട്ടികകളോ മറ്റു സമഗ്രികളോ എത്താത്തതും മദര്‍ സുപ്പീരിയരുടെ വിചിത്രമായ സ്വഭാവവും സ്മിത്തിനെ ആശയക്കുഴപ്പതിലാക്കുന്നുണ്ട്. പിന്നീട് ഒരുപാടു രസകരമായ മുഹൂര്‍ത്തങ്ങളിലൂടെ ചിത്രം മുന്നോട്ട് പോകുന്നു .
ചിത്രത്തിലെ ആമേന്‍ എന്ന് തുടങ്ങുന്ന സോംഗ് മനസ്സില്‍ തങ്ങി നില്‍ക്കുന്നു .തീര്‍ച്ചയായും കണ്ടിരിക്കേണ്ട ഒരു ഫീല്‍ ഗുഡ് ചിത്രം .
IMDB:7.7/10
RT:100%
No comments:
Post a Comment