Trumbo (2015 )

TRUMBO(2015)

കോൾഡ് വാർ ആരംഭത്തോടെ കമ്മ്യൂണിസ്റ്റ് പാർട്ടി ഓഫ് USA യുടെ സ്ഥിതി പരുങ്ങലിലായി . ഒരു പാട് പേർ തങ്ങളുടെ വിശ്വാസങ്ങളും പ്രമാണങ്ങളും ഉപേക്ഷിക്കാൻ നിർബന്ധിതരായി. പാർട്ടിയിൽ മെമ്പർ ആയവരേയും കമ്മ്യൂണിസത്തിൽ അനുകമ്പ കാണിക്കുന്നവരെയും രാജ്യദ്രോഹിയാക്കി ചിത്രീകരിക്കാൻ തുടങ്ങി. ടീച്ചർമാർ,ഉദ്യോഗസ്ഥർ,കലാകാരൻമാർ തുടങ്ങി പലർക്കും ജോലി ചെയ്യുന്നതിൽ വിലക്കേർപ്പെടുത്തുക ഉണ്ടായി. ഹോളിവുഡിലും സ്ഥിതി മറ്റൊന്നായിരുന്നില്ല.

തങ്ങളുടെ രാഷ്ട്രീയ നിലപാട് കാരണം കുറ്റവാളിയായി മുദ്ര കുത്തപ്പെട്ട ഹോളിവുഡിലെ പ്രശസ്ത തിരക്കഥാകൃത്ത് ഡാൽട്ടൻ ട്രംബോയുടെയും സുഹൃത്തുക്കളുടെയും ഒരു ദശാബ്ദ കാലം നീണ്ടു നിന്ന പോരാട്ടത്തിന്റെ കഥയാണ് ട്രംബോ. സീരിയസ് ആയ ഒരു സബ്ജെക്റ്റ് ലൈറ്റ് ടോണിൽ പറയുന്ന ഈ ചിത്രം കഴിഞ്ഞ വര്ഷം ഇറങ്ങിയ ചിത്രങ്ങളിൽ മികച്ചു നിൽക്കുന്നു.

40കളിൽ ഹോളിവുഡിലെ വിലപിടിച്ച എഴുത്തുകാരിൽ ഒരാളായിരുന്നു ഡാൽട്ടൻ ട്രംബോ . ട്രംബോ കമ്മ്യൂണിസ്റ്റ് പാർട്ടി ഓഫ് USA യിലെ ഒരു മെമ്പർ കൂടിയാണ്. 40 കളുടെ അവസാനമായപ്പോഴേക്കും ട്രംബോയുടെയും മറ്റു ചില സുഹൃത്തുക്കളുടെയും രാഷ്ട്രീയ നിലപാടുകൾ സഹപ്രവർത്തകർ വരെ സംശയത്തോടെ വീക്ഷിക്കാൻ തുടങ്ങി. ന്യൂസ് പേപ്പർ കോളമിസ്റ് ഹെഡ്ഡാ ഹോപ്പറും കൗബോയ് ഐക്കൺ ആയിരുന്ന ജോൺ വെയ്നും ഒക്കെ അതിൽ പ്രധാനികൾ ആണ്. The house un-american activities Committee യുടെ മുന്നിൽ ടെസ്റ്റിഫൈ ചെയ്യാൻ വിസമ്മതിച്ചതോടെ ട്രാമ്പോയേയും സുഹൃത്തുക്കളെയും ബ്ലാക്ക് ലിസ്റ്റിൽ പെടുത്തുന്നു. സുപ്രീം കോടതിയിൽ ജയിക്കാനാകും എന്ന ട്രംബോയുടെ പ്രതീക്ഷ തെറ്റിച്ചു കൊണ്ട് അവരെ ജയിൽ ശിക്ഷക്ക് വിധിക്കുന്നു. ട്രംബോയുടെ ജയിൽവാസം വൈകാതെ തീർന്നെങ്കിലും ബ്ലാക്ക് ലിസ്റ്റിൽ തന്നെ തുടരേണ്ടി വരുന്നു. സാമ്പത്തിക പ്രയാസം കാരണം ട്രംബോ രഹസ്യമായി കഥ എഴുതാൻ തുടങ്ങി. ലാഭവിഹിതം ഷെയർ ചെയ്യാം എന്ന കണ്ടിഷനിൽ സുഹൃത് ആയ Ian McLellan Hunter ഉമായി ഡീൽ ചെയ്യുന്നു. കഥയുടെ പേര് "റോമൻ ഹോളിഡേ".ആ വർഷത്തെ മികച്ച തിരകഥക്കുള്ള അക്കാദമി അവാർഡ് റോമൻ ഹോളിഡേ ക്ക് ലഭിച്ചത് ചരിത്രം. പിന്നീട് മറ്റു പേരുകളിൽ എഴുതാൻ തുടങ്ങിയ ട്രംബോ, കിംഗ് ബ്രദർസിനു വേണ്ടി ഒരു ലോഡ് ബി ഗ്രേഡ് ചിത്രങ്ങൾക്ക് തിരക്കഥ തയ്യാറാക്കി കൊടുക്കുന്നു. (ഇതിനിടയിൽ Brave One ജന്മം കൊണ്ടതിന്റെ പിന്നിലെ കഥയും കുബ്രിക്കും Kirk Douglasഉം ഒരുമിച്ച സ്പാർട്ടകസിന്റെ പിറവിയും Otto Premingerന്റെ Exodus ഉണ്ടായതും ഒക്കെ ചിത്രത്തിൽ പ്രതിപാദിക്കുന്നുണ്ട് ). ട്രംബോയുടെയും സുഹൃത്തുക്കളുടെയും തൂലിക കൊണ്ടുള്ള പോരാട്ടം വിജയം കണ്ടതെങ്ങനെ എന്ന് ചിത്രം കണ്ടു തന്നെ അറിയുക.

ഒരു ബയോഗ്രഫി ചിത്രം ഒട്ടും മുഷിപ്പിക്കാതെ ചെറിയ ചെറിയ നര്മങ്ങളുടെ അകമ്പടിയോടെ അവതരിപ്പിച്ചിരിക്കുന്നു ഇവിടെ. തിരക്കഥ,സംവിധാനം,കാസ്റ്റിംഗ് ഒക്കെയും മികച്ചു നിൽക്കുന്നു. ഡാൽട്ടൻ ട്രംബോ ആയി ബ്രയാൻ ക്രാൻസ്റ്റൻ മികച്ച പെർഫോമൻസ് ആണ്. ഇതിനോടകം ലഭിച്ച ഓസ്കാർ നോമിനേഷൻ പുള്ളിയുടെ പ്രകടനത്തിന്റെ മേന്മ വിളിച്ചോതുന്നു. ബെസ്റ്റ് ആക്ടർ അവാർഡ് പുള്ളി കൊണ്ട് പോയാലും അതിശയിക്കേണ്ടതില്ല. മറ്റു കഥാപാത്രങ്ങളെ അവതരിപ്പിച്ചവരും വളരെ നന്നായി തന്നെ ചെയ്തു. 40കളിലെയും 50കളിലെയും ഹോളിവുഡ് ലോകം പരിചയമുള്ളവർക്ക് ചിത്രം ഇരട്ടി മധുരമായിരിക്കും .

ഐ എം ഡി ബി, റോട്ടൻ ടോമറ്റോസ്പോലെയുള്ള സൈറ്റുകളിൽ ചിത്രത്തിന് ലഭിച്ച ആവറേജ് റേറ്റിങ് എന്നെ അത്ഭുതപ്പെടുത്തിയിരുന്നു. ചിത്രത്തെ പൊളിറ്റിക്കൽ വ്യൂ ഇൽ കാണുന്ന പ്രേക്ഷകർക്കു അംഗീകരിക്കാൻ പറ്റാത്തതാകാം ഇതിനുള്ള കാരണം . എന്നെ സംബന്ധിച്ചിടത്തോളം മികച്ച ഒരു അനുഭവമായിരുന്നു ട്രംബോ .

IMDB: 7.5/10

RT:70%

The Virgin Spring (1960)

  സ്വീഡനിലെ  ചര്‍ണാ എന്ന പ്രദേശത്ത്  സ്ഥിതി  ചെയ്യുന്ന  ചര്‍ച്  രൂപപ്പെട്ടതെങ്ങനെയെന്നു  ചൊല്ലി  പ്രസിദ്ധമായൊരു   നാടോടി  കഥയുണ്ട്  ."വാങ്ങിലെ ടോറെയുടെ  പെണ്മക്കള്‍"  എന്ന  പേരില്‍  അറിയപ്പെടുന്ന  ഈ  കഥ  പാഗനിസത്തില്‍  നിന്നും  ക്രിസ്റ്റ്യാനിറ്റിയുടെ  മഹത്വം  വിളിച്ചോതുന്നതാണ് .  ബെര്‍ഗ്മാന്റെ  ഫൈത്ത്  ട്രിളോജി യുടെ  തൊട്ടുമുന്‍പായി  ചെയ്ത  വിര്‍ജിന്‍  സ്പ്രിംഗ്  എന്ന ചിത്രം  ഈ  നാടോടി കഥയെ  ബേസ്‌  ചെയ്താണ്  ഒരുക്കിയിരിക്കുന്നത് .  പന്ത്രണ്ടാം  നൂറ്റാണ്ടിലെ  മധ്യകാല സ്വീഡനില്‍ ആണ്  കഥ  നടക്കുന്നത്  (ബെര്‍ഗ്മാന്റെ  തന്നെ  സെവന്‍ത്ത്  സീല്‍  ആധാരമാക്കിയിട്ടുള്ള   കാലഘട്ടം ).ഒറ്റനോട്ടത്തില്‍  ബെര്‍ഗ്മാന്റെ  ലളിതമായ  ചിത്രം  എന്ന്  തോന്നികുമെങ്കിലും  വളരെയധികം സങ്കീര്‍ണമായ  വിഷയങ്ങള്‍  ആണ്  ചിത്രം  കൈകാര്യം  ചെയ്യുന്നത് .   

                    മതവിശ്വാസത്തില്‍  കണിശക്കാരായ  ക്രിസ്തീയ  കുടുംബത്തിലെക്കാണ് ഇത്തവണ  ബെര്‍ഗ്മന്‍  പ്രേക്ഷകരേ   ക്ഷണിക്കുന്നത്  . വലിയൊരു  ഭൂപ്രദേശത്തിന്റെ ഉടമയായ ടോറെ ഭാര്യ മാരെറ്റക്കും  മകള്‍ കാരിനും  വളര്‍ത്തു മകള്‍ ഇന്ഗെരിക്കുമൊപ്പം  പ്രൌഡമായ  ജീവിതം  ആണ്  നയിക്കുന്നത് . സ്വന്തം മകളായ കാരിനെ ഓര്‍ത്ത്  ടോറെയും  മാരെറ്റയും വളരെയധികം അഭിമാനിക്കുന്നുണ്ട് .ചെറുപ്പത്തിന്റെ  ചുറുചുറുക്ക്  നിഷ്കളങ്കത   ദൈവഭക്തി തുടങ്ങിയ  ഗുണങ്ങള്‍  കൊണ്ട്  എല്ലാവരുടെയും  പ്രിയപ്പെട്ടവളാണ്  കാരിന്‍ . ഒരുപാടു  ലാളനയെറ്റ്  വളരുന്ന  ഏതൊരു  കുട്ടിയേയും  പോലെ  സ്വല്പം  പിടിവാശിയുണ്ടെന്നു  മാത്രം   .ദുരൂഹസ്വഭാവമുള്ള  ഇന്ഗെരി  പക്ഷെ  സന്തോഷകരമായ  ജീവിതം  അല്ല  നയിക്കുന്നത്  എന്ന്  മുഖത്  നിന്നും  വ്യക്തമാണ്‌ .ഭര്‍ത്താവില്ലാതെ  അര്‍ദ്ധഗര്‍ഭിണി  ആയ  ഇന്ഗെരിയെ  ഭരിക്കുന്നത്  വെറുപ്പും  അസൂയയും  ആണ് .  സഹോദരിക്ക്  കിട്ടുന്ന അമിതമായ  വാത്സല്യവും  തന്നോട്  കാണിക്കുന്ന  അവഗണനയും  കാരണം  ഇന്ഗെരിക്ക്  കാരിനോടുള്ള    വെറുപ്പ്‌  അനുദിനം  കൂടിവരുന്നേയുള്ളൂ . ഇന്ഗെരി  പാഗന്‍  വിശ്വാസി  ആണ്  എന്ന്  ചിത്രത്തിന്റെ  ആദ്യ  ഷോട്ടില്‍  തന്നെ  കാണിക്കുന്നുണ്ട് . കാരിനു  നാശം  സംഭവിക്കാനായി   പാഗന്‍  ദൈവമായ  ഓഡിനെ വിളിച്ചു  പ്രാര്‍ത്ഥിക്കുന്നതില്‍  നിന്നും  മനസിലാക്കാം   ഇന്ഗെരിയുടെ  വെറുപ്പിന്റെ  അളവ് . 

                    ദൂരെയുള്ള  ദേവാലയത്തിലേക്ക്  മെഴുകുതിരികള്‍   കൊണ്ട്  പോകാന്‍  വീട്ടിലെ ആരെങ്കിലും   അയക്കുന്നത്  ടോറേയുടെ  കുടുംബാചാരങ്ങളില്‍  ഒന്നാണ് . അതിനായി  കാരിനെ ദേവാലയത്തിലേക്ക് പറഞ്ഞയക്കുന്നു  . ഇന്ഗെരിയും  കാരിന്റെ  കൂടെ  കൂട്ട്  പോകുന്നു .വന നിബിഡമായ  പ്രദേശങ്ങളിലൂടെ  വേണം  പോകാന്‍ . എന്നാല്‍  വഴിയില്‍  വെച്ച്  ഇന്ഗെരി തുടര്‍ന്ന്  പോകാന്‍  വിസമ്മതിക്കുകയും  കാരിന്‍  ഒറ്റക്ക് യാത്ര  തുടരുകയും ചെയ്യുന്നു.  വൈകാതെ  കാരിന്‍  ആടിടയന്മാരായ  മൂന്നു  സഹോദരന്മാരെ  വഴിയില്‍  വെച്ച്  കണ്ടു  മുട്ടുന്നു . സഹോദരന്മാരില്‍  ഒരാള്‍  ചെറിയ   ബാലന്‍  ആണ് . അവരുടെ  പുകഴ്ത്തലുകളില്‍  വീഴുന്ന  കാരിന്‍ അവരെ  ഭക്ഷണം  കഴിക്കാന്‍  ക്ഷണിക്കുന്നു . സൌഹൃദപരമായ അന്തരീക്ഷം  മാറിയത്  പെട്ടെന്നായിരുന്നു . മുതിര്‍ന്ന  രണ്ടു  സഹോദരന്മാരും  കാരിനെ  അതി  ക്രൂരമായി  ലൈംഗികമായി  പീഡിപ്പിക്കുന്നു .  അതെ  സമയം  മനസ്  മാറിയ  ഇന്ഗെരി  സ്ഥലത്തെത്തിയെങ്കിലും  മൃഗീയമായ  ഈ  കാഴ്ച  കണ്ടു  തരിത്ത്  നില്‍ക്കുകയാണ്  ചെയ്തത് .പീഡനത്തിനു  ശേഷം കനത്ത  പ്രഹരമേറ്റ്‌  കാരിന്‍  കൊല്ലപ്പെടുന്നു  . അക്രമികള്‍  കാരിന്റെ വിലകൂടിയ  വസ്ത്രങ്ങള്‍  കൈക്കലാക്കി  സ്ഥലം  വിടുന്നു .  

          

                 മകളെ  കാത്തിരിക്കുന്ന  ടോറെയുടെ വീട്ടിലേക്ക് അന്ന്  രാത്രി  മൂന്നു  വഴിയാത്രക്കാര്‍  അഭയം  ചോദിച്ചെത്തി . തന്റെ  മകള്‍  മരിച്ചെന്നോ  മരണത്തിനുത്തരവാദികള്‍  ആണ്  തനിക്കു  മുന്നില്‍  ഉള്ളത്  എന്നോ  അറിയാതെ  ടോറെ  അവര്‍ക്ക്  അവിടെ  കിടക്കാന്‍  സൗകര്യവും  ഭക്ഷണവും  തയ്യാറാക്കി  കൊടുക്കുന്നു .  തന്റെ  സഹോദരന്മാരുടെ  അക്രമത്തിനു  സാക്ഷ്യം  വഹിച്ച  ബാലന്‍ വളരെയധികം  ഭയചകിതനായി  പെരുമാറുന്നു .  സഹോദരന്മാരിലൊരാള്‍  കാരിന്റെ  വസ്ത്രങ്ങള്‍  മാരേറ്റയ്ക്ക്  വില്‍ക്കാന്‍  ശ്രമിക്കുന്നു .  തങ്ങള്‍  അഭയം  കൊടുത്തത്  മകളുടെ  ഘാതകര്‍ക്കാണെന്ന്‍ മാരെറ്റ  മനസിലാക്കുന്നുവെങ്കിലും  സംശയത്തിനിട  കൊടുക്കാതെ  അവിടം  നിന്നും  പോകുന്നു . പുറത്തിറങ്ങി  വാതില്‍  അടച്ച  ശേഷം  വിവരം  ടോറെയെ  അറിയിക്കുന്നു .മകളുടെ  മരണവാര്‍ത്ത‍   ടോറെ യെ  തളര്‍ത്തുന്നു . പ്രതികാര നടപടിക്കൊരുങ്ങുന്ന  ടോറെക്ക്  മുന്‍പിലേക്ക്  ഇന്ഗെരി  എത്തുന്നു . കാരിന്റെ  മരണത്തിനു  കാരണം  താന്‍  ആണ്  താന്‍  പ്രാര്‍ത്ഥിച്ചതിന്റെ  ഫലമാണ്‌  എന്ന്  പറയുന്നു . ടോറെയില്‍  ഭാവവ്യത്യാസം  ഒന്നുമുണ്ടായില്ല ., ഇന്ഗെരിയോട്  കുളിക്കാനുള്ള  ചൂടുവെള്ളം  തയ്യാറാക്കാന്‍   ഏല്പിച്ചിട്ട്  വീടിനു  സമീപമുള്ള  ബിര്ച്  മരത്തിന്റെ  തൈ  പിഴുതെടുക്കുന്ന ടോറെയില്‍  മകളെ  നഷ്ട്ടമായ  വേദനയാണോ  അതോ  പ്രതികാരത്തിന്റെ  വെമ്പല്‍  ആണോയെന്നു തീര്‍ച്ചയില്ല . ഇന്ഗെരി  തയ്യാറാക്കിയ  ചൂട്  വെള്ളത്തില്‍    മരത്തിന്റെ  ഇലകള്‍  ഉപയോഗിച്ച്  ആചാരപ്രകരം നടത്തിയ കുളിക്ക്  ശേഷം  മൂവര്‍ സംഘത്തിന്റെ  അടുത്തേക്ക്  ടോറെ   നടന്നടുക്കുന്നു . കുറച്ചു  നിമിഷത്തെ  പിടി  വലിക്കൊടുവില്‍ മുതിര്‍ന്ന    രണ്ടു  സഹോദരന്മാരെയും  ടോറെ  വക  വരുത്തുന്നു . മാരെറ്റ  കൂട്ടത്തിലെ  ബാലനെ  സംരക്ഷിക്കാന്‍  ശ്രമിച്ചെങ്കിലും   പ്രതികാര  ദാഹിയായ  ടോറെ  ബാലനെ  ചുമരിനു  നേരെ  ശക്തിയായി  എറിഞ്ഞു  കൊല്ലുന്നു . 

                  ഇന്ഗെരിയുടെ  നേതൃത്വത്തില്‍  എല്ലാവരും  കൂടെ  കാരിന്‍  മരിച്ചു  കിടക്കുന്ന  സ്ഥലത്തേക്ക്  പുറപ്പെടുന്നു . സംഭവ  സ്ഥലത്തെത്തിയ ടോറെ  തന്റെ  കൈകള്‍  നീട്ടി  ദൈവത്തോട്  പറയുന്നു . നീ  ഇതെല്ലാം  കണ്ടു .നിഷ്കളങ്കയായ  ഒരു  പെണ്‍കുട്ടിയുടെ  ക്രൂര  മരണവും  എന്റെ  പ്രതികാരവുമെല്ലാം നീ  കണ്ടു .  ഈ  ഹീന  നടപടികള്‍ക്ക് എന്തിനു  നീ  അവസരമൊരുക്കി .  എനിക്ക്  നിന്നെ  മനസിലാകുന്നില്ല  ? എന്നിരുന്നാലും  ഞാന്‍  നിന്നോട്  മോചനത്തെ  തേടുന്നു . എനിക്ക്  അതല്ലാതെ സമാധാനത്തോടെ  ജീവിക്കാന്‍  മറ്റൊരു  മാര്‍ഗമറിയില്ല.ഇതേ  സ്ഥലത്ത്  ഞാന്‍  നിനക്ക്  ഒരു  ദേവാലയം  പണിയാം  എന്ന്  വാക്ക്  പറയുന്നു .ശേഷം  മകളുടെ  ശരീരം  എടുക്കാന്‍  ടോറെ തുനിയുന്നു .ചലനമറ്റ  തന്റെ  മകളുടെ  ശരീരം  മണ്ണില്‍  നിന്നുയര്‍ത്തവേ അവളുടെ  തലയ്ക്കടിയില്‍  നിന്നും  നീരുറവ  പ്രവഹിക്കാന്‍  തുടങ്ങി  . അത്ഭുതം  !  അവരുടെ  കുറ്റബോധവും   വേദനകളും  പതിയെ  അലിയിച്ചില്ലാതാക്കാന്‍   അവര്‍  കാത്തിരുന്ന  ദൈവത്തിന്റെ  മറുപടി .  ഇന്ഗെരി  ആ  വെള്ളത്തില്‍  മുഖം  കഴുകി  തന്റെ  വിശ്വാസം  പുതുക്കുന്നു .

                          ഒറിജിനല്‍  സ്റ്റോറിയില്‍  ടോറേയ്ക്ക്   മൂന്നു  പെണ്‍കുട്ടികള്‍  ആയിരുന്നു  ഉള്ളത് ,മൂന്ന്  പേരും കൊല്ലപ്പെടുന്നു . . .ബെര്‍ഗ്മാന്‍  മൂന്നു  പേരെയും  കൂടി  കാരിനില്‍  ഉള്‍കൊള്ളിക്കുകയാണ്  ചെയ്തത് . അത്  പോലെ   ചിത്രത്തിലെ  പ്രധാന  കഥാപാത്രമായ  ഇന്ഗെരി  യഥാര്‍ത്ഥ  കഥയില്‍  ഇല്ല ..  ഇന്ഗെരിയുടെ  കഥാപാത്രമാണ്  ചിത്രത്തെ  കൂടുതല്‍  മികവുറ്റതാക്കുന്നത്  എന്നതാണ്  വാസ്തവം .  

ചിത്രത്തിലെ  റേപ്  സീന്‍   വളരെയധികം   ഡിസ്റ്റര്‍ബിംഗ്  ആണെന്നെ  കാരണം  കൊണ്ട്  പലയിടത്തും  ചിത്രം  ബാന്‍  ചെയ്തിരുന്നു . വെസ്  ക്രാവെന്റെ  1972  ഇലെ  ഹൊറര്‍  ഫിലിം  ലാസ്റ്റ് ഹൌസ്  ഓണ്‍ ദി ലെഫ്റ്റ്  വിര്‍ജിന്‍  സ്പ്രിംഗ്  അടിസ്ഥാനപ്പെടുത്തി  എടുത്ത  ചിത്രമാണ്‌  . വിര്‍ജിന്‍  സ്പ്രിങ്ങിനു  നേരെ  വന്ന  വിമര്‍ശനങ്ങള്‍ക്ക്  കാരണവും  ഈ  പ്രശസ്തമായ  റേപ്  സീന്‍  തന്നെയായിരുന്നു  . ഒരു സാധാ  റിവഞ്ച്  പടമായി  ചിത്രത്തെ  പലരും  വിമര്‍ശിച്ചു  .എന്നാല്‍  ചിത്രം  വെറുമൊരു  റിവഞ്ച്  ചിത്രമല്ല . ദൈവം ,വിശ്വാസം, പാപം ,പ്രായശ്ചിത്തം ,തുടങ്ങിയ  പല  ഹിഡന്‍  തീമുകളും  ചിത്രത്തില്‍  കാണാം . 

             ഒരു  ക്രിസ്ത്യന്‍  റിലിജിയസ്  സ്റ്റോറി  എടുത്തു  ദൈവത്തിന്റെ  അസ്തിത്വത്തെയും നീതിയെയും      ചോദ്യം  ചെയ്യുകയാണ് ബെര്‍ഗ്മാന്‍ ഇവിടെ .ലോകത്തെ  കുറിചറിയാത്ത  ദൈവത്തെ  സ്തുതിച്ചു ജീവിച്ച  നിഷകളങ്കയായ  പെണ്‍കുട്ടി  അതി  ക്രൂരമായി  കൊല്ലപ്പെട്ടതിനു ശേഷം  അച്ഛനായ  ടോറെ ബിര്ച്  ട്രീ  പിഴുതെടുക്കുമ്പോള്‍  അയാളുടെ   വിശ്വാസം  കൂടിയാണ്  ഇളകിയത് . പിന്നീടുണ്ടായ  പ്രതികാര നടപടിക്കു  ശേഷം    അയാളെ കുറ്റബോധം  പിടികൂടുന്നു . സഹോദരി  കണ്മുന്‍പില്‍  കൊല്ലപ്പെട്ടപ്പോള്‍  പ്രതികരിക്കാതെ  നോക്കി  നിന്ന ഇന്ഗെരി  വിശ്വസിക്കുന്നത്  തന്റെ  പ്രാര്‍ത്ഥന  ആണ്  കാരിന്റെ  ഈ  ഗതിക്ക്  കാരണം  എന്നാണ്. അമ്മയായ  മാരെറ്റ  പറയുന്നത്  ദൈവത്തെക്കാള്‍  കൂടുതല്‍  അവര്‍  കാരിനെ  സ്നേഹിച്ചത്  കൊണ്ടാണ് മകള്‍ക്ക്  ഇങ്ങനൊരു  വിധി  ദൈവം  നല്‍കിയത്  എന്നാണ്  .  ഒരു  നിമിഷം  ടോറെ  ദൈവത്തെ  ചോദ്യം  ചെയ്തെങ്കിലും  തൊട്ടടുത്ത  നിമിഷം  അയാള്‍  തന്റെ  കൈ  കൊണ്ട്  അവിടെ  ഒരു  ദേവാലയം  പണിയും  എന്നാണ്  പറയുന്നത് . തന്റെ  ചെയ്തികളോട്  പൊരുത്തപ്പെടാന്‍  അയാള്‍ക്ക്  മറ്റൊരു  മാര്‍ഗം  അറിയാത്തതിനാല്‍  അയാള്‍ക്ക്  മനസിലാകാത്ത  ഒന്നിനെ  അയാള്‍  വിപിന്തുടരുന്നു .തന്റെ  ഏറ്റവും  പ്രിയപ്പെട്ടത് നഷ്ട്ടപ്പെട്ടപ്പോഴും  മാരെറ്റ ദൈവത്തെ   ന്യായീകരിച്ചു  കൊണ്ട്  ഉത്തരവാദിത്വം  സ്വയം  ഏറ്റെടുക്കുകയാണ്  ചെയ്തത്.ഇന്ഗെരി  ആകട്ടെ തന്റെ  ദൈവം ആണ്  ഈ  വിധി  നടപ്പാക്കിയത്  എന്ന്  വിശ്വസിക്കുന്നെങ്കിലും അവള്‍ക്ക്  പോലും  ഉള്‍കൊള്ളാന്‍  കഴിഞ്ഞിട്ടില്ല  എന്നത്  വ്യക്തമാണ് . അവസാനം  നീരുരവയില്‍  സ്വയം  ശുദ്ധീകരിച്ചു  മറ്റൊരു  വിശ്വാസം  പുല്കുകയാണ്  ചെയ്തത് .അവള്‍ക്ക്  കുറ്റബോധം  തോന്നേണ്ടതില്ല ,പക്ഷെ  അവള്‍ പാഗന്‍  ദൈവത്തിന്റെ  നീതിയെ  സംശയിക്കുന്നു. പുതിയ ദൈവത്തിന്റെ  നീതിയില്‍  സംശയം  തോന്നുന്നത്  വരെ  അവളുടെ  വിശ്വാസത്തിനു  ആയുസുള്ളൂ  എന്ന്  ഞാന്‍  കരുതുന്നു  . കാരിന്റെ  തലക്കടിയില്‍  നിന്നും  പ്രവഹിച്ച  നീരുറവ  അവര്‍  കാത്തിരുന്ന  അത്ഭുതം   ആയിരുന്നു.ദൈവത്തില്‍  നിന്നു  എന്തെങ്കിലുമൊരു  തരത്തിലുള്ള  മറുപടി  അവര്‍ പ്രതീക്ഷിച്ചിരുന്നു.നീരുറവക്ക്  പകരം  ശക്തമായ  ഒരു  കാലാവസ്ഥ  വ്യതിയാനം  ആയിരുന്നെങ്കിലും  ദൈവത്തിന്റെ  മറുപടി  ആയെ  അവര്‍  അതിനെ  കാണുകയുള്ളൂ ..നദി  സമീപത്താണ്  ഈ  പ്രദേശം എന്നത്  ചിത്രത്തില്‍  പ്രകടമാണ് . ആ  നീരുറവ  ഒരു  പക്ഷെ  നാച്ചുറല്‍  ആയ  സംഭവം  ആയിരിക്കാം . ഇനി  ദൈവത്തിന്റെ  അത്ഭുതം  ആണെങ്കില്‍  തന്നെ  ഒന്നുമറിയാത്ത  ഒരു  പെണ്‍കുട്ടിയുടെ  മരണത്തിനു  മുന്നില്‍  ഒരു  നീരുരവയുടെ  പ്രസക്തി  എന്താണ് ,അതും  ആവശ്യത്തിലധികം  വെള്ളമുള്ള  പ്രദേശത്  . ബെര്‍ഗ്മാന്‍  പുള്ളിയുടെ  രീതിയില്‍  ദൈവത്തിന്റെ നീതിയെ  വിമര്‍ശിച്ചതാണ്  ആ  രംഗം  എന്ന്  തീര്‍ച്ചയാണ് .  

                 കുറസോവയുടെ  റാഷോമൊന്‍  ചിത്രം  തന്നെ  വളരെയധികം  സ്വധീനിചെന്നും  വിര്‍ജിന്‍  സ്പ്രിംഗില്‍  അത്  പ്രകടമാണെന്നും  ബെര്‍ഗ്മാന്‍  തന്നെ  ഒരവസരത്തില്‍  പറഞ്ഞിട്ടുണ്ട്  . ബര്‍ഗ്മാന്റെ  സ്ഥിരം  സിനിമാറ്റോഗ്രാഫെര്‍  ആയ Sven Nyqvist ഉമായി  ആദ്യമായി  വര്‍ക്ക്  ചെയ്ത  ചിത്രം  എന്ന പ്രത്യേകതയും  വിര്‍ജിന്‍  സ്പ്രിംഗിനുണ്ട് . ആ  വര്‍ഷത്തെ  മികച്ച  ഫോറിന്‍  ചിത്രത്തിനുള്ള  ഓസ്കാര്‍  പുരസ്കാരവും  ചിത്രം  കരസ്ഥമാക്കിയിട്ടുണ്ട് .

IMDB:8.1/10

RT      :94%

Le trou (The Hole)(1960)

 മികച്ച  പ്രിസണ്‍  ബ്രേക്ക്  ചിത്രങ്ങള്‍ ആസ്വദിക്കത്തവരായി   ആരെങ്കിലുമുണ്ടാകുമോ ? എന്റെ  അനുഭവത്തില്‍  ഇത് വരെ  കണ്ട  പ്രിസണ്‍ ബ്രേക്ക്  ചിത്രങ്ങളില്‍  ഭൂരിപക്ഷവും  എന്റെ  ഫാവോറിറ്റ്  ചിത്രങ്ങളുടെ  കൂട്ടത്തില്‍  ഇടം പിടിച്ചിട്ടുണ്ട്. ശ്വാസമടക്കി  പിടിച്ചു    ലെജണ്ടറി   ഫ്രഞ്ച്  സംവിധായകന്‍  ജാക്ക്വസ് ബെക്കെര്‍  ഒരുക്കിയ  മാസ്റ്റര്‍പീസ്‌  .
കണ്ട  ഒട്ടേറെ  നിമിഷങ്ങള്‍ ഇപ്പോഴും  ഓര്‍മയില്‍  തങ്ങി  നില്‍ക്കുന്നു.   എന്റെ  പ്രിയ  ചിത്രങ്ങളുടെ  കൂട്ടത്തിലേക്ക്  സ്വല്പം  വൈകിയെത്തിയ  ചിത്രമാണ്‌ Le trou അഥവാ  The Hole .    അഞ്ചു  തടവുപുള്ളികള്‍  പാരിസിലെ La Sante പ്രിസണില്‍  നിന്നും രക്ഷപെടാന്‍  ശ്രമിക്കുന്ന  കഥയാണ് ചിത്രം  പറയുന്നത്  .

നാലു  തടവുപുള്ളികള്‍  ജയില്‍  ചാടാന്‍  പ്ലാന്‍  ചെയ്യുന്നതും  അപ്രതീക്ഷിതമായി  പുതിയൊരു  അന്തേവാസി  അവരുടെ  സെല്ലില്‍  എത്തിപ്പെടുന്നതും  ആണ്  ചിത്രത്തിന്റെ  ആദ്യഭാഗം കാണിക്കുന്നത് .   .സ്വാഭാവികമായും  അവര്‍ക്കിടയില്‍  ഒരു  അനിശ്ചിതത്വം  ഉടലെടുക്കുന്നു.   തങ്ങളുടെ  പദ്ധതിയിലേക്ക്  പുതിയ  ആളെ  കൊണ്ട്  വരണോ  ,വിശ്വസിക്കാന്‍  പറ്റുന്ന  ആളാണോ തുടങ്ങിയ  ചോദ്യങ്ങള്‍  അവരെ ആശയകുഴപ്പത്തിലാക്കുന്നു. പുതുതായി  എത്തിയ  ഗസ്പാര്‍ഡ് ആകട്ടെ  പുതിയ  അന്തരീക്ഷത്തോട്  പൊരുത്തപ്പെടാന്‍  ശ്രമിക്കുകയായിരുന്നു. ഭാര്യക്ക്  നേരെയുള്ള  വധശ്രമം  ആണ്  അയാളുടെ  പേരിലുള്ള  ശിക്ഷ. അയാള്‍  മറ്റു നാല് പേരുമായി  പതുക്കെ  അടുക്കുന്നു. വൈകാതെ  ഗസ്പാര്‍ഡ്   ജയില്‍  ചാടാനുള്ള  പദ്ധതിയെ  കുറിച്ചറിയുകയും  കൂട്ടത്തില്‍  ചേരുകയും  ചെയ്യുന്നു.

പദ്ധതിയുടെ  സൂത്രധാരന്‍  റോളണ്ട്  ആണ് . പഴുതുകളില്ലാത്ത  ഒരു  പെര്‍ഫെക്റ്റ്‌  പ്ലാന്‍  അയാള്‍  ഉണ്ടാക്കിയിട്ടുണ്ട് . പക്ഷെ  ജയിലിലെ  ഇടക്കിടക്കുള്ള  ചെക്കിംഗ് കാരണം  ഏതു  നിമിഷവും  പിടിക്കപ്പെട്ടെക്കാം  എന്നയാള്‍ക്കറിയാം .
വളരെ  സൂക്ഷ്മതയോടെ ശ്രദ്ധയോടെ  അവരുടെ  പദ്ധതി  നടപ്പില്‍  കൊണ്ട്  വരികയായിരുന്നു  പിന്നീടുള്ള  ദിവസങ്ങളില്‍ .. പ്രേക്ഷകന്റെ  ചങ്കിടിപ്പ്  കൂട്ടുന്ന  നിമിഷങ്ങളിലൂടെ  ചിത്രം  പുരോഗമിക്കുന്നു. .

വളരെ  റിയലിസ്റ്റിക്  ആയ  അവതരണം  ആണ്  ചിത്രത്തിലുടനീളം .  ജയിലിലെ  സെക്ക്യൂരിറ്റി  നടപടികളില്‍ എത്രത്തോളം  സൂക്ഷ്മത പുലര്‍ത്തുന്നുണ്ടെന്ന്  ആദ്യ  സീനുകളില്‍  തന്നെ   കാണിക്കുന്നുണ്ട് .ഇവിടെ  ജയില്‍  ഉദ്യോഗസ്ഥരെ  ക്രൂരന്മാരായി  ചിത്രീകരിക്കുന്നില്ല. അവര്‍  അവരുടെ  ജോലി  ചെയ്യുന്നു  എന്ന രീതിയില്‍  കാണിക്കാന്‍  ജാക്ക്വസ് ബെക്കെര്‍  ശ്രദ്ധിച്ചിട്ടുണ്ട് . അവരോടു  സ്നേഹപൂര്‍വ്വം  പെരുമാറുന്ന  ഉദ്യോഗസ്ഥരെയും  ചിത്രത്തില്‍  കാണാം . ആദ്യം  മുതല്‍  അവസാനം  വരെ  ചിത്രത്തില്‍  യാതൊരു  വിധ  ബാക്ക്ഗ്രൌണ്ട്  മ്യൂസിക്കും  ഉപയോഗിച്ചിട്ടില്ല  . തുരങ്കമിടുന്ന  രംഗങ്ങളില്‍  ഒക്കെ  ശരിക്കും  അതിനു  എടുക്കുന്ന സമയവും  പ്രയാസവും  സ്ക്രീനില്‍  കാണിക്കാന്‍    ശ്രമിച്ചിട്ടുണ്ട്   .ചെറിയ  ചെറിയ  കാര്യങ്ങളില്‍  പോലും ഉള്ള  അതീവ  സൂക്ഷ്മതയാണ്  എടുത്തു  പറയേണ്ട  മറ്റൊരു  കാര്യം  .ഇതേ  കാരണങ്ങള്‍  കൊണ്ട്  തന്നെ  ജയില്‍പുള്ളികള്‍ക്കൊപ്പം  നമ്മളും  പെട്ട പോലെയുള്ള  അനുഭൂതി  ചിത്രം  തരുന്നുണ്ട്.

1947 ഇല്‍  നടന്ന  യഥാര്‍ത്ഥ  സംഭവത്തെ  അടിസ്ഥാനമാക്കിയാണ്  ചിത്രം  കഥപറയുന്നത് .രസകരമെന്താണെന്ന്  വെച്ചാല്‍  യഥാര്‍ത്ഥ  ജയില്‍ ചാട്ടത്തില്‍  ഉണ്ടായിരുന്ന  Jean Keraudy  തന്നെയാണ്  ഇതില്‍  റോളണ്ട്  ആയി  വേഷമിട്ടത് .പറഞ്ഞു  വരുമ്പോള്‍   ചിത്രത്തില്‍ പ്രധാന  റോളുകളിലുള്ള  ആരും  തന്നെയും    പ്രൊഫെഷണല്‍  നടന്‍മാര്‍  അല്ല   ..  എന്നിരുന്നാലും  മികച്ച  പ്രകടനം  സ്ക്രീനില്‍  കൊണ്ട്  വരാന്‍  അവര്‍ക്ക്  കഴിഞ്ഞിട്ടുണ്ട്.

ജാക്ക്വസ്  ബെക്കെറിന്റെ  അവസാന  ചിത്രമാണ്‌  Le trou . ചിത്രം  പൂര്‍ത്തിയാക്കി  ആഴ്ചകള്‍ക്കകം  അദേഹം  മരണപ്പെടുകയുണ്ടായി. പുള്ളിയുടെ രണ്ട്  ചിത്രമേ  ഇത്  വരെ  കാണാന്‍  സാധിച്ചിട്ടുള്ളൂ .പക്ഷെ  ആ  രണ്ടു  ചിത്രങ്ങള്‍  കൊണ്ട്  തന്നെ  പുള്ളിയുടെ  മഹത്വം  ബോധ്യപ്പെടുന്നു. Touchez Pas au Grisbi  എന്ന എക്കാലത്തെയും  മികച്ച  ഗാംഗ്സ്റ്റര്‍  ചിത്രത്തിന്  ശേഷം  അതെ  പോലെയോ  അതിന്റെ  മുകളിലോ  വരുന്ന  അനുഭവമായിരുന്നു  Le trou  എനിക്ക് സമ്മാനിച്ചത് .

തീര്‍ചയായും  കണ്ടിരിക്കേണ്ട  ഒരു  ചിത്രം .

IMDB:8.5/10
RT:100%

Aferim(2015)

19ആം നൂറ്റാണ്ടിലെ റൊമാനിയന്‍  രാഷ്ട്രീയ  സാമൂഹിക  ചുറ്റുപാടുകളിലേക്ക്  ഒരു എത്തിനോട്ടം. ലക്ഷണമൊത്ത ഒരു  മോഡേൺ ക്ലാസിക്.

1835ലെ വല്ലാച്ചിയയുടെ മനോഹരമായ ദൃശ്യ ഭംഗി കാണിച്ചു കൊണ്ടാണ് ചിത്രം തുടങ്ങുന്നത്.റൊമാനി ജിപ്സികളെ ഓട്ടോമൻ ജന്മികൾ, അടിമകൾ ആയി ഉപയോഗിച്ചിരുന്ന കാലഘട്ടം . ചെറിയ ഒരു ബ്ലാക്ക് കോമടിയുടെ അകമ്പടിയോടെ ആണ് ചിത്രം പുരോഗമിക്കുന്നതെങ്കിലും കാലഘട്ടത്തിന്റെ ഭീകരത ചിത്രത്തിൽ ഉടനീളം നിഴലിച്ചു കാണാം . അങ്ങനെയിരിക്കെയാണ്  കാർഫിൻ എന്നൊരു ജിപ്സി അടിമ, ബോയറുടെ (ലാൻഡ് ലോർഡ്) ഭാര്യയുമായി ലൈംഗിക ബന്ധത്തിൽ ഏർപ്പെട്ട വിവരം  ബോയറുടെ ചെവിയിലെത്തുന്നത് . ജന്മിയുടെ അക്രമത്തെ ഭയന്ന് ഓടിയൊളിച്ച കാർഫിനെ കണ്ടു പിടിക്കാൻ 'കോൺസ്റ്റബിൾ കോൺസ്റ്റന്റി'നെ ചുമതലപ്പെടുത്തുന്നു. ഓടിപ്പോയ ജിപ്സിയെ കണ്ടെത്താൻ പുറപ്പെടുന്ന കോൺസ്റ്റന്റിൻ  സഹായത്തിനായി തന്റെ മകൻ ലോണിറ്റയെയും കൂടെ കൂട്ടുന്നു. കാർഫിനെ അന്വേഷിച്ചുള്ള കോൺസ്റ്റണ്ടിന്റെയും  മകന്റെയും യാത്രയാണ് ചിത്രത്തിന്റെ ഭൂരിഭാഗവും. ഒറ്റനോട്ടത്തിൽ റോഡ് മൂവിയായി തോന്നുമെങ്കിലും 19 ആം നൂറ്റാണ്ടിലെ റൊമാനിയൻ ചരിത്രം തന്നെയാണ് ആറ്റികുറുക്കിയ രൂപത്തിൽ ഒരുക്കിയിരിക്കുന്നത്. കോണ്‍സ്റ്റന്റിന്‍ ജിപ്സികളോട് ഒട്ടും  മയമില്ലതെയാണ് പെരുമാറുന്നത് എങ്കിലും ഉള്ളിന്റെ  ഉള്ളില്‍  അയാള്‍ക്ക്  വ്യവസ്തതയോട്  അമര്‍ഷമുണ്ട്. പക്ഷെ അയാള്‍  നിസഹായനാണ്. ഈ  സമ്പ്രദായം  ഒരിക്കലും  മാറില്ലെന്ന്  വിശ്വസിക്കുന്ന  അയാള്‍  മനപ്പൂര്‍വം  ക്രൂരതയുടെ  മുഖം  മൂടി അണിയുകയാണ്. തന്റെ  മകനെയും  അങ്ങനെ  ജീവിക്കാന്‍  ആണ്  അയാള്‍  പഠിപ്പിക്കുന്നത് . ചിത്രത്തിന്റെ ക്ലൈമാക്സ്  പ്രേക്ഷനില്‍  ചെറിയ  നടുക്കം സമ്മാനിക്കുന്ന തരത്തില്‍  ആണ്  ചിത്രീകരിച്ചിരിക്കുന്നത്

Radu Jude ന്റെ സംവിധാനത്തിൽ ഒരുക്കിയ ഈ ചിത്രം മികച്ച ഒരു അനുഭവമാണ് പ്രേക്ഷകന് സമ്മാനിക്കുന്നത് .സിനിമറ്റോഗ്രാഫി എടുത്തു പറയാതെ വയ്യ. ബ്ലാക്ക് ആൻഡ് വൈറ്റ് ഇൽ ഒരുക്കിയ മനോഹര ഫ്രേമുകൾ  കണ്ണെടുക്കാൻ  തോന്നിക്കാത്ത വിധം മനോഹരമായിരുന്നു. ചിത്രത്തിലെ അഭിനേതാക്കൾ എല്ലാം തന്നെ മികച്ച പ്രകടനമാണ് കാഴ്ച വെച്ചത്. കോൺസ്റ്റന്റിനെ പോലെയുള്ള സങ്കീർണ കഥാപാത്രങ്ങളും മികച്ച സംഭാഷണങ്ങളും ചിത്രത്തെ  മികവുറ്റതാക്കുന്നു.

തീർച്ചയായും കണ്ടിരിക്കേണ്ട ഒരു കലാസൃഷ്ടി.

Imdb:8.1/10
RT:100%

The Big Heat (1953)

അനീതിക്കെതിരെ പോരാടുന്ന മുരടനായ എന്നാല്‍ സത്യസന്ധനായ     പോലിസ്  ഉദ്യോഗസ്ഥന്റെ  കഥ   നമ്മള്‍  പലയാവര്‍ത്തി  പല ഭാഷകളില്‍  കണ്ടിട്ടുണ്ട്. ഇങ്ങനെ  ഒരു  സബ് ജോനറിനു  തുടക്കം  കുറിച്ച ചിത്രം  ഏതായിരിക്കും ?   അന്താരാഷ്ട്ര തലത്തില്‍  ലഭിച്ച  പ്രശസ്തി  കാരണമായിരിക്കാം     ഡര്‍ട്ടി  ഹാരിയുടെ  പേരാണ്  പലപ്പോഴും  പരാമര്‍ശിച്ചു  കേള്‍ക്കാറുള്ളത് . എന്നാല്‍  ഹാരി കാലഹാന്‍  അവതരിക്കുന്നതിനും  മുന്‍പേ  ഇവിടെ ഒരു  ഡേവ്  ബാനിയന്‍  ഉണ്ടായിരുന്നു .    

ലെജെന്‍ഡറി  ഡയറക്ട്ടര്‍  ഫ്രിറ്റ്സ് ലാംഗ്  1953 ഇല്‍ ഒരുക്കിയ  ക്രൈം ത്രില്ലെര്‍  ആണ്  ദി  ബിഗ്‌  ഹീറ്റ് . ഒരു  പക്ഷെ  ഫിലിം  നോയര്‍  ഗണത്തിലെ  ഏറ്റവും  സ്റ്റൈലിഷ്  ആയ,  ഫാസ്റ്റ്  പേസ്ഡ് ആയ ചിത്രം  ഇത്  തന്നെയായിരിക്കണം.തന്റെ  ചിത്രത്തിന്റെ  അന്തരീക്ഷം  സെറ്റ്  ചെയ്യുന്നതിന്റെ  കാര്യത്തില്‍  അതീവ  ശ്രദ്ധ  ചെലുത്തുന്ന  ആളാണ്  ഫ്രിറ്റ്സ്  ലാംഗ്  എന്ന്‍  പലപ്പോഴും  തോന്നിയിട്ടുണ്ട് . ക്രൈം  സിണ്ടിക്കേറ്റ്  ഭരിക്കുന്ന  കറപ്റ്റഡ് ആയ സിറ്റിയെ  വളരെ  ഡാര്‍ക്ക്‌  ടോണ്‍ ഇല്‍  അവതരിപ്പിച്ചിരിക്കുന്നു (ഈ  ഒരു  ലെവല്‍  ഡാര്‍ക്ക്‌  ടോണ്‍  അനുഭവപ്പെട്ട  മറ്റൊരു  ചിത്രമാണ്‌  ഫിലിം  നോയര്‍  അവസാന കാലഘട്ടത്തില്‍  ഇറങ്ങിയ  ടച്  ഓഫ്  ഈവിള്‍) . ഗ്ലെന്‍ ഫോര്‍ഡ് ,ഗ്ലോറിയ ഗ്രഹാം  , ലീ  മാര്‍വിന്‍  തുടങ്ങിയ  ശക്തമായ  കാസ്റ്റ്  ഉം ചിത്രത്തെ  മികച്ചതാക്കുന്നു .      

 സഹ പ്രവര്‍ത്തകനായ ടോം  ഡന്കന്റെ  ആത്മഹത്യയെ  കുറിച്ചുള്ള  അന്വേഷണം ഹോമിസൈഡ്  ഡിട്ടക്ട്ടിവ്  ഡേവ്  ബാനിയനെ  പുതിയ  ഒരു  വഴിത്തിരിവില്‍  എത്തിച്ചിരിക്കുന്നു      . ഡന്കന്റെ  രഹസ്യ കാമുകി  ലൂസി  ചാപ്മാനുമായുള്ള കൂടിക്കാഴ്ചയാണ്  ആത്മഹത്യയുലെ  അസ്വഭാവികതകള്‍ ആദ്യമായി  ഡേവിന്റെ  ശ്രദ്ധയില്‍പ്പെടുത്തിയത് . ലൂസി  ചാപ്മാന്റെ  മരണ വാര്‍ത്ത‍ സംശയത്തെ  ഒന്ന്  കൂടി  ദൃഡപ്പെടുത്തി . സംശയം  എത്തി  നിന്നത്  മൈക്ക്  ലഗാനയില്‍  ആണ് . സ്ഥലത്തെ  ക്രൈം  മാഫിയയുടെ  തലവന്‍ . സിറ്റിയുടെ  നിയന്ത്രണം  മൈക്ക്  ലഗാന  എന്ന ക്രിമിനലിന്റെ  കയ്യിലാണെന്നു  പരസ്യമായ  രഹസ്യമാണ് . തന്റെ  മേലധികാരികള്‍  പലരും  ലഗാനയുടെ  കയ്യില്‍  നിന്നും  ശമ്പളം  പറ്റുന്നുണ്ട്  എന്നും  ഡേവിനു  അറിയാം . തന്റെ  വീട്ടിലേക്കു  വന്ന  ഭീഷണി ഫോണ്‍  കോള്‍   അന്വേഷണം  നേരായ  വഴിയില്‍  ആണെന്ന്  ബോധ്യപ്പെടുത്താന്‍  പോന്നതായിരുന്നു.   ലഗാനയെ  നേരിട്ട്  സന്ദര്‍ശിക്കാന്‍  ഡേവ്  തീരുമാനിച്ചു . തന്റെ   വീട്ടില്‍  ഔദ്യോഗിക വേഷത്തില്‍ എത്തിയ   ഡേവിനെ  കണ്ടു  ലഗാന അതിശയിച്ചു . ഡേവിന്റെ ആരോപണങ്ങളെ ലഗാന  പുഞ്ചിരിയോടെ  നേരിട്ടു. മേലുദ്യോഗസ്ഥരുടെ  തടസങ്ങളെ  അവഗണിച്ചു  അന്വേഷണം  തുടരുന്ന ഡേവിനെ  ഇല്ലാതാക്കാന്‍  ലഗാന തീരുമാനിക്കുന്നു .ഡേവിനെ  ലക്‌ഷ്യം  വെച്ച്  കാറില്‍  ഒളിപ്പിച്ച  ബോംബ്‌ പൊട്ടി  ഡേവിന്റെ  ഭാര്യ  കൊല്ലപ്പെടുന്നു .ഭാര്യയുടെ  മരണം  ഡേവിനെ  തളര്‍ത്തുന്നു . തന്റെ  ഭാര്യയുടെ  കൊലപാതകം  ഒതുക്കി തീര്‍ക്കാനുള്ള ഡിപ്പാര്‍ട്ട്മെന്റിന്റെ    ശ്രമത്തില്‍  നിരാശനായ   ഡേവ്  ജോലി  രാജി  വെക്കുന്നു . ലഗാനയോടും  അയാളുടെ വലം  കയ്യായ  വിന്‍സ്  സ്റ്റോണിനോടുമുള്ള  കണക്കുകള്‍  തീര്‍ക്കാന്‍  ഡേവ്  ബാനിയന്‍  ഇറങ്ങി  തിരിക്കുന്നു .കഥ  ഇവിടെ  തുടങ്ങുകയായി

ഫ്രിറ്റ്സ്  ലാംഗിന്റെ  മികച്ച  സംവിധാന സംരംഭങ്ങളില്‍  ഒന്ന്  തന്നെയാണ്  ദി  ബിഗ്‌  ഹീറ്റ്. ഓര്‍മയില്‍  നില്‍ക്കുന്ന  ഒരുപാടു  മികച്ച  സംഭാഷണങ്ങള്‍  ഉണ്ട്  ചിത്രത്തില്‍  .ചിത്രം  ഇറങ്ങിയ്  കാലം  പരിഗണിച്ചാല്‍  സ്വല്പം  വയലന്‍സ്  കൂടുതല്‍  ആണ്  ചിത്രത്തില്‍ .  കാര്‍ ബോംബ്‌  സീന്‍  ഒക്കെ അതി  മനോഹരമായി   ചിത്രീകരിച്ചിരിക്കുന്നു .ഡേവ്  ബാനിയന്‍  ആയി  ഗ്ലെന്‍  ഫോര്‍ഡ്  മികച്ചു  നിന്നപ്പോള്‍ ഡെബി  മാര്‍ഷ്  ആയി  ഗ്ലോറിയ  ഗ്രഹാമും  മികച്ച  പ്രകടനം തന്നെ  കാഴ്ച വെചു.ലീ  മാര്‍വിന്റെ  ശക്തനായ ഒരു  വില്ലന്‍  കഥാപാത്രം  ആയിരുന്നു  ഇതിലെ  വിന്‍സ്  സ്റ്റോണ്‍ . വെറും  ഒരു  പ്രതികാര  കഥയാക്കാതെ  കഥാപാത്രങ്ങളുടെ  വൈകാരിക  തലങ്ങളില്‍  കൂടി  ചിത്രം  സഞ്ചരിക്കുന്നു .

തീര്‍ച്ചയായും  കണ്ടിരിക്കേണ്ട  ഒരു  ക്രൈം  ത്രില്ലെര്‍

IMDB:8/10
RT:  100% 

Ealing Comedies

ലണ്ടനിലെ  ഈലിംഗ്  സ്റ്റുഡിയോയില്‍ 1947-57 കാലഘട്ടത്തില്‍   നിര്‍മിച്ച ബ്രിട്ടിഷ്  ബ്ലാക്ക്‌  കൊമെഡി/ക്രൈം കോമഡി   ചിത്രങ്ങളെ  പൊതുവേ  വിളിച്ചിരുന്ന പേരാണ്  ഈലിംഗ്  കോമഡീസ്   .
ഈ  വിഭാഗത്തിലെ  മികച്ച  മൂന്നു  കൊമഡി  ക്ലാസിക്കുകളെ  ഇവിടെ  പരിചയപ്പെടുത്തുന്നു
.
1.Kind Hearts and Coronets (1949)

ലോകസിനിമയിലെ  തന്നെ  മികച്ച  കോമഡി  ക്ലാസിക്  .
ക്രൈം കൊമഡി എന്റെ  പ്രിയപ്പെട്ട  ഒരു  ജോനര്‍ ആണ് . എന്റെ  അനുഭവത്തില്‍  ഡാര്‍ക്ക്‌  കൊമഡി  കൈകാര്യം  ചെയ്യുന്നതില്‍  ബ്രിട്ടീഷ്‌  ചിത്രങ്ങള്‍  ആണ്  മുന്‍പന്തിയില്‍ .   ഈ  ജോനറിലെ  പകരം  വെക്കാനില്ലാത്ത  ഒരു  ചിത്രമാണ്‌ കൈന്‍ഡ്‌ ഹാര്‍ട്ട്‌സ്  ആന്‍ഡ്‌  കൊറോനെറ്റ്സ്. ദി  ബെസ്റ്റ്

ബ്രിട്ടനിലെ  പത്താമത്തെ  ഡ്യൂക്ക്  ആയ  ലൂയിസ്  മസിനി ജയിലില്‍  തൂക്കുകയര്‍  കാത്തിരിക്കുന്ന  അവസരത്തില്‍  എഴുതുന്ന  ഓര്മ ക്കുറിപ്പുകളിലൂടെയാണ്  ചിത്രം  മുന്നോട്ട്  പോകുന്നത്  . ചിത്രത്തിന്റെ  ഒട്ടുമുക്കാല്‍  ഭാഗങ്ങളും  ഫ്ലാഷ്ബാക്ക് ആയാണ്  കാണിക്കുന്നത് .
 ലൂയിസ്  മസിനിയുടെ  ജനനത്തിനു  മുന്‍പേ  കഥ  പുരോഗമിക്കുന്നു . ബ്രിട്ടനിലെ  അരിസ്ടോക്രാറ്റിക് ഫാമിലി ആയ  ഡാസ്കോയ്ന്‍സിലെ ഏഴാമത്തെ  ഡ്യൂക്കിന്റെ  മകള്‍  ആയിരുന്നു  ലൂയിസിന്റെ  അമ്മ .  ലൂയിസിന്റെ  അമ്മ  ഒരു  പാട്ടുകാരനുമായി  ഒളിചോടുന്നതോടെ  ഡാസ്ക്കോയ്ന്‍സ്  ഫാമിലി  അവരെ  കുടുംബത്തില്‍  നിന്നും  പുറത്താക്കുന്നു .സ്വയം  ഇഷ്ട്ടപ്രകാരം വിവാഹം ചെയ്ത്   ലൂയിസിന്റെ  അച്ഛനും  അമ്മയും  സന്തോഷത്തോടെ  തന്നെ  ജീവിച്ചു . എന്നാല്‍  ലൂയിസിന്റെ  ജനനശേഷം  അച്ഛന്‍  മരണപ്പെട്ടത്  കാര്യങ്ങള്‍  തകിടം  മറിച്ചു.എങ്കിലും ലൂയിസിന്  നല്ല  വിദ്യാഭ്യാസം  കൊടുക്കാന്‍  തന്നെ  അവന്റെ  അമ്മ  തീരുമാനിക്കുന്നു .   ലൂയിസ് നല്ല വിദ്യാഭ്യസം ലഭിച്ചു നല്ലൊരു  യുവാവായി വളര്‍ന്നു   .
ലൂയിസിന്  ഒരു  കരിയര്‍  നേടിക്കൊടുക്കുന്നതിനായി   അവന്റെ അമ്മ  സ്വയമഭിമാനം മാറ്റി വെച്ച്  സഹായത്തിനായി  ഡാസ്ക്കൊയിന്‍സിന്   കത്തെഴുതുന്നു  .എന്നാല്‍  അവരുടെ  മറുപടി   പ്രതികൂലമായിരുന്നു . ലൂയിസ്  ഒരു  തുണിക്കടയില്‍  സഹായി  ആയി  ജോലി  ചെയ്യാന്‍  നിര്‍ബന്ധിതന്‍  ആകുന്നു .  വൈകാതെ  ലൂയിസിന്റെ അമ്മ  മരണക്കിടക്കയില്‍  ആയി  .ഫാമിലി  സെമിത്തേരിയില്‍ തന്നെ  കുഴിച്ചുമൂടണം എന്നായിരുന്നു അമ്മയുടെ  ആഗ്രഹം .ലൂയിസ്  ഇതിനായി  ഡാസ്കൊയ്ന്‍സിന്  കത്തെഴുതുന്നു .എന്നാല്‍  ആ  അപേക്ഷയും   അവര്‍  നിരസിക്കുന്നു  .തന്റെ  അമ്മയോട്  ചെയ്ത  നീതികേട്‌  ലൂയിസില്‍  പ്രതികാര  ചിന്തകള്‍  ഉണര്‍ത്തി .  ചാല്‍ഫോണ്ടിലെ  ഡ്യൂക്ക് പദവി നേടിയെടുക്കാനും   ലൂയിസ്  പദ്ധതിയിടുന്നു . അതിനു  തടസമായി  നിക്കുന്ന   എട്ടു  ഡാസ്ക്കൊയിന്‍സിനെ  കൊലപ്പെടുത്താന്‍  ലൂയിസ്  കളമൊരുക്കുന്നു .

ഓര്‍ത്തു  ചിരിക്കവുന്ന  ഒരുപാടു   നര്‍മ മുഹൂര്‍ത്തങ്ങള്‍ ചിത്രത്തില്‍  ഉണ്ട് . വ്യത്യസ്തമായ  കൊലപാതക  രീതികളും  അത്  വര്‍ണിക്കുന്ന  നരേഷന്‍  രീതിയും  ചിരിയുണര്ത്തുന്നു .ലൂയിസ്   ആയി  അഭിനയിച്ച  ഡെന്നിസ്  പ്രൈസ്  തന്റെ  റോള്‍  മികച്ചതക്കിയപ്പോള്‍  അലെക്  ഗിന്നസ് ആയിരുന്നു  ചിത്രത്തിലെ  ഷോ  സ്റ്റീലര്‍ . എട്ടു  വ്യത്യസ്തമായ  ഡാസ്ക്കൊയിന്‍സ്  ആയി  പുള്ളി  ചിത്രത്തിലുടനീളം  രസിപ്പിച്ചു . മികച്ച  ഒരു  ക്ലൈമാക്സിലൂടെയാണ്  ചിത്രം അവസാനിപ്പിച്ചിരിക്കുന്നത് .
IMDB:8.2/10
RT:   100%

2.The Lavender Hill Mob(1951)

ആദ്യാവസാനം  രസിപ്പിക്കുന്ന  ഒരു  ക്രൈം  കോമഡി .
അലെക്  ഗിന്നസ് .സ്റ്റാന്‍ലി ഹോളോവെ തുടങ്ങിയ  മികച്ച  പ്രതിഭകള്‍  ഒരുമിച്ച  ഈ ഹീസ്റ്റ് ഫിലിം ഒരേസമയം     ത്രില്ലിംഗ്  അനുഭൂതിയും  നര്‍മമുഹൂര്‍ത്തങ്ങളും   സമ്മാനിക്കുന്നുണ്ട് . .

ബാങ്ക്  ക്ലെര്‍ക്ക്‌ ആയ  ഹെന്രി  ഹോളണ്ട്  ഇരുപത്  വര്‍ഷത്തിലേറെയായി  ഗോള്‍ഡ്‌  ബാര്‍  ഡെലിവറിയുടെ  മേല്‍നോട്ടം  വഹിക്കുന്നു  .   പ്രവര്‍ത്തി  പരിചയം  കൊണ്ടും  ആത്മാര്‍ത്ഥത  കൊണ്ടും  ഹെന്രി  ഹോളണ്ട്  മേലധികാരികള്‍ക്കും സഹ പ്രവര്‍ത്തര്‍ക്കും   വിശ്വസ്തന്‍ ആണ് .എന്നാല്‍ യഥാര്‍ത്ഥത്തില്‍  ഹോളണ്ടിന് റിട്ടയര്‍ഡ് ആവുന്നതിനു  മുന്പായി   ഗോള്‍ഡ്‌  ബാര്‍  മോഷ്ട്ടിക്കാന്‍  ഒരു  പെര്‍ഫെക്റ്റ്‌  പ്ലാന്‍  ഉണ്ടായിരുന്നു    .പക്ഷെ  മോഷണ ശേഷം  ഇത്രയും  സ്വര്‍ണം  ബ്രിട്ടനില്‍  നിന്നും  കടത്താന്‍  മാര്‍ഗമില്ലത്തതിനാല്‍   അയാള്‍  ആ  ഉദ്യമത്തിന്  മുതിരുന്നില്ല എന്ന്  മാത്രം .
അങ്ങനെയിരിക്കെ   പെന്റില്‍ബറി  എന്നൊരു  ശില്പി   ഹോളണ്ടിന്റെ  അയല്‍വാസിയായി വരുന്നു . പെന്റില്‍ബറിക്ക്  സ്വന്തമായി  ഒരു  ലോഹവാര്‍പ്പ് ശാല  ഉണ്ട് . ഹോളണ്ടിന്റെ  മനസ്സില്‍   പുതിയ  ചില ആശയങ്ങള്‍  ഉദിച്ചു  .. തന്റെ  പ്ലാന്‍  പൂര്‍ത്തിയാക്കാന്‍  ഇതിലും  നല്ലൊരു  ചാന്‍സ്  ഇനി  കിട്ടില്ലെന്ന്  അയാള്‍ക്ക്  അറിയാം  .. പെന്റില്‍ബറിയുമായി  ചങ്ങാത്തത്തിലായ ഹോളണ്ട് തന്റെ  പ്ലാന്‍  അയാളെ  പറഞ്ഞു മനസിലാക്കുന്നു . ഗോള്‍ഡ്‌ ബാര്‍  മോഷ്ട്ടിച്ചതിനു  ശേഷം  പെന്റില്‍ബറിയുടെ  ഫൌണ്ട്രിയില്‍  വെച്ച് ഈഫല്‍  ടവര്‍  മോഡലുകളാക്കി ബ്രിട്ടനില്‍ നിന്നും   കടത്താനാണ്   തീരുമാനം   . സഹായത്തിനായി രണ്ടു  ചെറുകിട കള്ളന്മാരെയും  റിക്രൂട്ട്  ചെയ്യുന്നു . ഇനി  തന്റെ  പ്ലാന്‍  പിഴവുകള്‍  കൂടാതെ  നടപ്പിലക്കുകയെ  വേണ്ടൂ  ..1 മില്യണ്‍  പൌണ്ട്  വിലമതിക്കുന്ന  ഗോള്‍ഡ്‌ ബാര്‍  ഒരു സംശയവും  കൂടാതെ  കടത്താന്‍  ഇവര്‍ക്ക്  കഴിയുമോ  എന്ന് കണ്ടറിയുക .

തീര്‍ച്ചയായും കണ്ടിരിക്കേണ്ട  ഒരു  ഹീസ്റ്റ്  കൊമഡി  ത്രില്ലെര്‍ .
IMDB:7.8/10
RT:100%

3.The Ladykillers (1955)

ഒരു  കമ്പ്ലീറ്റ്  എന്റര്‍ടൈനര്‍ . പൊട്ടിച്ചിരിപ്പിക്കുന്ന  മറ്റൊരു  ബ്രിട്ടിഷ്  കൊമഡി  ചിത്രം
വൃദ്ധയായ  ഒരു   സ്ത്രീ കാരണം    ബാങ്ക്  റോബറി  തകിടം  മറിയുന്നത്  ആണ്  ചിത്രത്തിന്റെ  പ്രമേയം  .. ചിത്രത്തിലെ  കഥാപാത്രങ്ങളുടെ  കാര്‍ടൂണിഷ് അവതരണം  ചിത്രത്തെ  കൂടുതല്‍  ആസ്വാദകരം ആക്കുന്നു .

മിസിസ്  വില്‍ബര്‍ഫോര്‍സ്   അസാധാരണ  സ്വഭാവം  പ്രകടിപ്പിക്കുന്ന  ഒരു  വൃദ്ധയാണ്  .. റെയില്‍വേ ടണലിന് സമീപമുള്ള  വലിയ  വീട്ടില്‍  തനിച്ചു  താമസിക്കുന്ന  മിസിസ്  വില്‍ബര്‍ഫോര്‍സ് അയല്‍പക്കത്ത്  അസ്വഭാവികമായി  പലതും  നടക്കുന്നതായി  സങ്കല്‍പ്പിച്ചു  തൊട്ടടുത്ത  പോലിസ്  സ്റ്റേഷനില്‍  റിപ്പോര്‍ട്ട്  ചെയ്യുന്നത്   പതിവായിരുന്നു ..ക്രമേണ  പോലീസുകാര്‍ക്ക്  ഇവര്‍  ഒരു  തലവേദനയാകുന്നു .

അങ്ങനെയിരിക്കെ  ഒരു  സായാഹ്നത്തില്‍  മിസിസ്  വില്‍ബര്‍ഫോര്‍സ്  വീട്ടില്‍  തനിച്ചിരിക്കെ പുറത്ത്  ഡോര്‍ ബെല്‍ മുഴങ്ങുന്നു  . പുറത്ത്  മധ്യവയസ്കന്‍  ആയ  ഒരു  അപരിചിതന്‍  ആയിരുന്നു .തന്റെ  പേര്  പ്രൊഫസര്‍  മാര്‍ക്കസ്  ആണെന്നും   മുറി വാടകക്ക്  കൊടുക്കാന്‍  ഉണ്ടെന്നറിഞ്ഞ്  വന്നതാണെന്നും അയാള്‍  പറയുന്നു .താന്‍  ഒരു  മ്യുസിഷന്‍  സംഘത്തിലെ  അംഗമാണെന്നും തനിക്കും  സുഹൃത്തുക്കള്‍ക്കും  മ്യൂസിക്  പ്രാക്റ്റിസ്‌  ചെയ്യാന്‍  ആണ്  മുറി  എടുക്കുന്നതെന്നും അയല്‍  മിസിസ്  വില്‍ബര്‍ഫോര്സിനെ  ബോധ്യപ്പെടുതുന്നു      .യഥാത്ഥത്തില്‍  അവര്‍  കുപ്രസിദ്ധരായ  ഒരു  ക്രിമിനല്‍  ഗാംഗ്  ആയിരുന്നു .മോഷണത്തിനായുള്ള  ഒരു  ഇടത്താവളം ആയിരുന്നു  മിസിസ്  വില്‍ബര്‍ഫോര്‍സിന്റെ  വീട് . നിഷ്കളങ്കയായ  മിസിസ്  വില്‍ബര്‍ഫോര്‍സ്  അവര്‍  പറഞ്ഞതെല്ലാം  വിശ്വസിക്കുന്നു  . പ്രൊഫസര്‍  മാര്‍ക്കസിന്റെയും  കൂട്ടരുടെയും  പദ്ധതികള്‍  പിഴവില്ലാത്തതായിരുന്നു  .എന്നാല്‍  അവര്‍ക്ക്  പറ്റിയ  ഒരു  വലിയ  മിസ്റ്റെക്  ആയിരുന്നു  മിസിസ്  വില്‍ബര്‍ഫോര്സിനെ  കണ്ടു  മുട്ടിയത് .

 പ്രോഫെസര്‍  മാര്‍ക്കസിന്റെ  വേഷത്തില്‍  അലെക്  ഗിന്നസ്  മികച്ചു  നിന്നപ്പോള്‍  മിസിസ്  വില്‍ബര്‍ഫോര്‍സിനെ  അവതരിപ്പിച്ച കാത്തി  ജോണ്സണും  ഒപ്പത്തിനൊപ്പമുള്ള  പ്രകടനം  കാഴ്ച  വെചു  . ഈ  ചിത്രത്തിന്റെ  റീമേക്ക്  2004 ഇല്‍  ഇറങ്ങിയിരുന്നു  . മികച്ച  നര്‍മമുഹൂര്‍ത്തങ്ങള്‍  ഉള്ള  ഒറിജിനല്‍ ബ്രിട്ടിഷ്  വേര്‍ഷന്‍ തന്നെ  കാണാന്‍  ശ്രമിക്കുക .
IMDB:7.8/10

RT:  100%
__________________________
 . ഈ  ചിത്രങ്ങളെല്ലാം  വ്യക്തമായ  പ്ലാന്‍ പ്രകാരമുള്ള  ക്രൈം ആണ്  മെയിന്‍  പ്ലോട്ട്  . അതിനിടയില്‍  ഉണ്ടാകുന്ന  കോമഡികള്‍  വളരെ   രസകരമായി  അവതരിപ്പിച്ചിരിക്കുന്നു  അലെക്  ഗിന്നസ്  എന്ന  ജീനിയസ്  മൂന്നു  ചിത്രത്തിലും  പ്രധാന  വേഷം  കൈകാര്യം  ചെയ്തിട്ടുണ്ട് .
 മൂന്ന്   ചിത്രങ്ങളും  മസ്റ്റ്‌വാച്ച്  ഗണത്തില്‍  പെടുത്താവുന്നവയാണ്  .

What Ever Happened to Baby Jane? (1962)

ആദ്യാവസാനം  പിരിമുറുക്കം  സമ്മാനിക്കുന്ന  മികച്ച  ഒരു  സൈക്കോളജിക്കല്‍  ത്രില്ലെര്‍ .


ബേബി  ജെയ്ന്‍  ഹഡ്സന്‍, ബ്ലാന്ച്ചേ  ഹഡ്സന്‍   എന്നീ  സഹോദരിമാരുടെ  കഥയാണ്  മൂന്നു  വ്യത്യസ്ത  കാലഘട്ടത്തില്‍  ആയി  ചിത്രം  പറയുന്നത് .
കാലഘട്ടം 1917  , ബേബി  ജെയ്ന്‍  ഹഡ്സന്‍ ചൈല്‍ഡ് ആര്‍ട്ടിസ്റ്റ്  ആയി  തിളങ്ങി  നില്‍ക്കുന്ന  കാലം  . ബേബി  ജെയ്നിന്റെ  ആട്ടവും  പാട്ടും  കാണാന്‍ ആളുകള്‍ നാനാ ദിക്കില്‍  നിന്നും  വരുമായിരുന്നു . ബേബി  ജെയ്ന്‍  പാവകളും  സുലഭമായിരുന്നു  അക്കാലത്ത് .   അച്ഛനും  അമ്മയും  സഹോദരിയും  അടങ്ങുന്ന  ബേബി  ജെയ്നിന്റെ  ഫാമിലിക്ക്  ഷോ  കൊണ്ടുള്ള  വരുമാനം  വലിയൊരാശ്വാസമായിരുന്നു . സ്വാഭാവികമായും  ബേബി  ജെയ്നില്‍  അഹങ്കാരം  മുള  പൊങ്ങി  തുടങ്ങി  .ഇതേ  സമയം  ബ്ലാന്‍ചെയെ  പിതാവ്  പോലും  ശ്രദ്ധിക്കാതാകുന്നു . നിശ്ചയദാര്‍ട്യം  നിഴലിക്കുന്ന  മുഖഭാവത്തോടെ  ജെയ്നിനെ  നോക്കുന്ന  ബ്ലാന്ച്ചേയെ  ആണ്  സീന്‍  അവസാനിക്കുമ്പോള്‍  കാണിക്കുന്നത് .

കാലഘട്ടം  1935 ,ഇപ്പോള്‍  സഹോദരിമാര്‍  രണ്ടും പേരും  ഫിലിം  ആക്ട്രെസ്  ആണ് .   അഭിനയിച്ച  ചിത്രങ്ങളുടെ  തുടര്‍ച്ചയായ  പരാജയം    കാരണം  ജെയ്നിനു  ചിത്രങ്ങള്‍  ഇല്ലാതെയാകുന്നു .ബ്ലാന്ച്ചേ  ഇപ്പോള്‍  ഹോളിവൂഡിലെ ഒരു  ലീഡിംഗ് അക്ട്രെസ്  ആണ് .ബ്ലാന്ച്ചേ  പ്രശസ്തിയുടെ  കൊടുമുടിയില്‍  ആയിരുന്നു .   എന്നാല്‍   അവിചാരിതമായ  ആ  ട്രാജഡി  എല്ലാം  മാറ്റി  മറിച്ചു .ഒരു  ദിവസം  രാത്രി  പാര്‍ട്ടി  കഴിഞ്ഞു  മടങ്ങവേ  സംഭവിച്ച  അപകടത്തിന്റെ  ഫലമായി  ബ്ലാന്ച്ചേ  അരക്ക്  കീഴ്പ്പോട്ട്  തളര്‍ന്നു   പോകുന്നു .

കാലഘട്ടം    1962  ഇലേക്ക് ചിത്രം  ഫ്ലാഷ്  ഫോര്‍വേര്‍ഡ്  ചെയ്യുന്നു . ബ്ലാന്ച്ചേ യും  ജെയിനും  വാര്‍ധക്യത്തിലേക്ക്  കടന്നിരിക്കുന്നു . ബ്ലാന്ച്ചേ ഇപ്പോഴും  വീല്‍  ചെയറില്‍  ആണ്  .  മറ്റൊരാളുടെ  സഹായമില്ലാതെ  ഒരു  കാര്യവും  ചെയ്യാന്‍  സാധിക്കില്ല . ജെയിനും  ബ്ലാന്ച്ചേയോടൊപ്പം  തന്നെയാണ്  താമസം  .  പണ്ടത്തെ  അപകടം  ബ്ലാന്ച്ചേയെ  ശാരീരികമായാണ്  ബാധിച്ചതെങ്കില്‍  ജെയ്നിനെ  മാനസികമായി  ആയിരുന്നു  ബാധിച്ചത് . അന്ന്  ഒപ്പമുണ്ടായിരുന്ന  ജെയ്നിനു  നേരെയാണ്  മാധ്യമങ്ങളും  പോലീസും  വിരല്‍  ചൂണ്ടിയത്  ..അമിതമായി  മദ്യപിചത്  മൂലം  അന്ന്  നടന്നതിനെ  കുറിച്ച്  ജെയ്നിനു  ഓര്‍മയുമില്ല  .കുറ്റബോധവും  പോലിസ്  വിചാരണയും കരിയര്‍  തകര്ച്ചയുമെല്ലാം  ജെയ്നിനെ  മദ്യപാനത്തിലെക്കും   കുത്തഴിഞ്ഞ  ജീവിതത്തിലേക്കും   നയിച്ചു . ഒടുക്കം  കാലചക്രം  തിരിഞ്ഞപ്പോള്‍  ജെയിനിനു ബ്ലാന്ച്ചേയെ  തന്നെ  ശരണം  പ്രാപിക്കേണ്ടി  വന്നു . ബെഡ്റൂമില്‍  നിന്നും  പുറത്തിറങ്ങാത്ത  ബ്ലാന്ച്ചേക്ക്  ആകെയുള്ള  ഒരു  സൌഹൃദം  ആഴ്ചയില്‍  വീട്  വൃത്തിയാക്കാന്‍  വരുന്ന  എല്‍വിറ     മാത്രമാണ് . വര്‍ഷങ്ങളിത്ര  കഴിഞ്ഞിട്ടും  ബ്ലാന്ച്ചേ യുടെ  പ്രശസ്തിക്കൊരു  കോട്ടവും  തട്ടിയിട്ടില്ല  എന്നതും  തന്റെ  കരിയര്‍  ഇല്ലാതാക്കിയത്  ബ്ലാന്ച്ചേ  ആണെന്ന  വിശ്വാസവും  ജെയിനില്‍  അസൂയയും വെറുപ്പും  ഓരോ  ദിവസവും  കൂടി  കൊണ്ടിരുന്നു  .      ജെയിനില്‍  മാനസിക  വിഭ്രാന്തിയുടെ  ലക്ഷണങ്ങള്‍  ഉണ്ടെന്നു  സംശയിക്കുന്ന  എല്‍വിറക്ക്  ജെയിനിനെ  അവിടെ  താമസിപ്പിക്കുന്നതില്‍  ഉത്കണ്ഠ  ഉണ്ടായിരുന്നു . ജെയിന്‍ വീണ്ടും  മദ്യപിക്കാന്‍  തുടങ്ങിയതായും  എല്‍വിറ  ബ്ലാന്ചെയെ  അറിയിക്കുന്നു .      പക്ഷെ  ബ്ലാന്ച്ചേ  അതൊന്നും  കാര്യമാക്കുന്നില്ല . ബ്ലാന്ച്ചേ  ക്ക്  ഇപ്പോള്‍  താമസിക്കുന്ന  പഴയ  വീട്  വില്‍ക്കാന്‍  പ്ലാന്‍  ഉണ്ട്  .. എന്നാല്‍  ഇക്കാര്യം  അറിയുന്ന   ജെയിന്‍  ക്ഷുഭിതയാകുന്നു   . വീട്  വില്‍ക്കുന്നതില്‍  നിന്നും തടയാനായി   ബ്ലാന്ചെയുടെ  മുറിയിലെ  ടെലിഫോണ്‍ കണക്ഷന്‍ ജെയിന്‍  എടുത്തു  കളയുന്നു   .എല്‍വിറയുടെ  അങ്ങോട്ടുള്ള   വരവും  നിര്‍ത്തിക്കുന്നു  .    ജെയിനിന്റെ  വയലന്റ്  ആയ  പെരുമാറ്റം  ബ്ലാന്ച്ചേയെ  പേടിപ്പിക്കുന്നു . ഫോണ്‍  ഇല്ലാതായതോടെ   പുറം  ലോകത്തു  നിന്നും  ഒറ്റപ്പെട്ട  അവസ്ഥയായി    .ജെയിന്‍   വിഭ്രാന്തി  ഓരോ  ദിവസവും  വര്‍ധിച്ചു  വരുന്നു  .അതോടൊപ്പം ബ്ലാന്ച്ചേ യെ  മാനസികമായും  ശാരീരികമായും  പീഡിപ്പിക്കാനും  തുനിയുന്നു   . സഹോദരിയുടെ  പിടിയില്‍ നിന്ന്  അരയ്ക്കു  താഴോട്ട്  ചലനശേഷി  ഇല്ലാത്ത  ബ്ലാന്ച്ചേ യ്ക്ക്  രക്ഷപ്പെടാനാകുമോ  ? .

ചിത്രം  ഏതു  ജോനര്‍  ആണെന്ന്  പോലുമറിയാതെ ഒരു  ബെറ്റി  ഡേവിസ്  ചിത്രം  എന്ന  നിലക്കാണ്  ഞാന്‍  ചിത്രം  കാണുന്നത്  .ബെറ്റി  ഡേവിസിന്റെ  പ്രകടനം  മാത്രമല്ല , മികച്ച  ഒരു  ത്രില്ലിംഗ്  അനുഭവം  കൂടിയായിരുന്നു  ചിത്രം  സമ്മാനിച്ചത് . ബ്ലാന്ച്ചേ യുടെ  കൂടെ  പ്രേക്ഷകനും  ആ  ഒറ്റ മുറിയില്‍  കുടുങ്ങിയ  അനുഭൂതി  തരും  ചിത്രം . ക്ലൈമാക്സ്‌  പ്രേക്ഷകരെ  വേട്ടയാടുന്ന  തരത്തില്‍  ആണ്  ഒരുക്കിയത് . സണ്‍സെറ്റ്  ബോളെവാഡ്,മിസറി  എന്നീ  ചിത്രങ്ങളെ  ഓര്‍മിപ്പിക്കുന്നുണ്ട്  ഇടയ്ക്ക് .   ജെയ്ന്‍  ഹഡ്സന്റെ  വേഷം കഥാപാത്രത്തോട് വെറുപ്പ്‌   തോന്നിപ്പിക്കുന്ന തരത്തില്‍  ബെറ്റി  ഡേവിസ്  അനശ്വരമാക്കി . ബ്ലാന്ച്ചേ യുടെ  വേഷം  ചെയ്ത  ജോവാന്‍  ക്രോഫോര്‍ഡും  ഒപ്പത്തിനൊപ്പം  നില്‍ക്കുന്ന  പ്രകടനം  ആയിരുന്നു  .  ഒരു  ത്രില്ലെര്‍ എന്നതിലുമുപരി  ചിത്രത്തെ  മറ്റൊരു  തലത്തിലേക്ക്  കൊണ്ട്  പോകുന്നത്  ഇരുവരുടെയും  പ്രകടനം  തന്നെയാണ്.       ചിത്രത്തിന്റെ  സംവിധാനവും മികച്ചു നില്‍ക്കുന്നു .

ബെറ്റി  ഡേവിസും  ജോവന്‍ ക്രോഫോര്‍ഡും  മത്സരിച്ചഭിനയിച്ച  ഈ  അസാധാരണ  ഡ്രാമ  ത്രില്ലെര്‍  കണ്ടില്ലെങ്കില്‍  അതൊരു   നഷ്ട്ടം  തന്നെയാണ്
IMDB:8.1/10
RT:91%