The Beguiled (1971)

ഈസ്റ്റ്‌വുഡിന്റെ  പേര്  കേള്‍ക്കുമ്പോള്‍  അദ്ദേഹം  ചെയ്ത  കൌബോയ്  കഥാപാത്രങ്ങളും ടഫ്  പോലീസ്  റോളുകളും  ഒക്കെയാണ്  പെട്ടെന്ന്  തെളിഞ്ഞു  വരിക . എന്നാല്‍  സ്ഥിരം  ഹീറോയിക്  റോളുകളില്‍  നിന്നും  വിഭിന്നമായി ഈസ്റ്റ്‌വുഡ് ചെയ്ത  നെഗറ്റീവ്  റോള്‍  ആണ് The Beguiled എന്ന ചിത്രത്തിലെ  ജോണ്‍  മക്ബി . ഈസ്റ്റ്‌വുഡിന്റെ  മികച്ച  ചിത്രങ്ങളുടെ  ലിസ്റ്റില്‍  തീര്‍ച്ചയായും  ഈ ചിത്രവും  ഉണ്ടാകും .

അമേരികന്‍  സിവില്‍  വാര്‍  അവസാന കാലഘട്ടത്തില്‍  ആണ്  ചിത്രം  നടക്കുന്നത് .12  വയസുകാരി  ആമി  കൂണുകള്‍  ശേഖരിക്കാനിരങ്ങിയപ്പോള്‍  അവിചാരിതമായാണ്  മരണാസന്ന നിലയിലെത്തിയ ഒരു  യൂണിയന്‍  പട്ടാളക്കാരനെ കാണുന്നത് .   എന്ത്  ചെയ്യണമെന്നറിയാതെ  ഭയന്ന ആമി  , താന്‍  താമസിക്കുന്ന  പെണ്‍കുട്ടികളുടെ   ബോര്‍ഡിംഗ്  സ്കൂളിലേക്ക്  അയാളെയും  കൊണ്ട്  പോകുന്നു . ഒരു  പുരുഷന്‍  അതും  ശത്രു  പട്ടാളക്കാരനെ  അവിടേക്ക്  പ്രവേശിക്കുന്നതില്‍  അവിടത്തെ    ടീച്ചര്‍സും  പെണ്‍കുട്ടികളും  ആദ്യം  വിരോധം  പ്രകടിക്കുന്നെങ്കിലും  പിന്നീട്  അയാളെ  അവിടെ  വെച്ച്  ശ്രുശൂഷിക്കുന്നു . പതിയെ  ആരോഗ്യം  വീണ്ടെടുക്കുന്ന  അയാള്‍  തന്റെ  പേര്  ജോണ്‍  മക്ബി  ആണെന്നറിയിക്കുന്നു .  കുറഞ്ഞ  ദിവസം  കൊണ്ട്   അയാള്‍  അവിടെയുള്ള ടീച്ചര്‍സിന്റെയും  സ്റ്റുഡന്റ്സിന്റെയും  പ്രീതി  സമ്പാദിക്കുന്നു . അവിടത്തെ  ഹെഡ്മിസ്ട്രെസ് മാര്‍ത്തയും ടീച്ചര്‍  ആയ  എഡ്വിനയും  ഒന്ന്  രണ്ടു  സ്ടുടെന്റ്സും  മക്ബി യുടെ  ചാര്‍മില്‍  ആകൃഷ്ടയാകുന്നു . ഓരോരുത്തരെയായി  പ്രണയിക്കുന്നുവെന്ന്  നടിച്ചു  മക്ബി  അവരെയെല്ലാം  തന്റെ  ഇംഗിതത്തിനു  കൊണ്ട്   വരാന്‍  ശ്രമിക്കുന്നു . വൈകാതെ  തന്നെ  ബോര്‍ഡിംഗ്  സ്കൂളില്‍  അസൂയയും  കാമവും ചതിയും   ഒക്കെ  നിറഞ്ഞ  ഒരു  അന്തരീക്ഷം  ഉടലെടുക്കുന്നു .  മക്ബിയുടെ  തനി  നിറം  പുറത്താകുന്നതോടെ  അവര്‍  എങ്ങനെ  പ്രതികരിക്കുന്നുവെന്നു  ചിത്രം  കണ്ടു  തന്നെ  അറിയുക .

ഡോണ്‍  സീഗളും  ഈസ്റ്റ്‌വുഡും  ഒരുമിച്ച  മൂന്നാമത്തെ   ചിത്രമാണ്‌ The Beguiled. ഈസ്റ്റ്‌വുഡിന്റെ പതിവ്  ഹീറോയിക്  റോളുകളില്‍  നിന്ന്  വ്യത്യസ്തമയത്  കൊണ്ടാകണം  ചിത്രം  വലിയ  വിജയമായിരുന്നില്ല . മറ്റൊരു  പ്രധാന  കാരണം ചിത്രത്തിന്റെ  തെറ്റിദ്ധരിപ്പിക്കുന്ന  തരത്തിലുള്ള  മാര്‍കറ്റിംഗ് ആണെന്നാണ്  ഈസ്റ്റ്‌വുഡ്  പറയുന്നത് .ഈസ്റ്റ് വുഡ് തോക്ക് പിടിച്ചുള്ള  പോസ്റ്ററുകള്‍  കണ്ടു  മറ്റൊരു  ആക്ഷന്‍  ചിത്രം  പ്രതീക്ഷിച്ചു  പോയവറെ  കബളിപ്പിക്കുന്ന  തരത്തില്‍  ആയിരുന്നു  ചിത്രത്തിന്‍റെ  മാര്‍ക്കറ്റിംഗ് . ഈസ്റ്റ് വൂഡും  ഡോണ്‍  സീഗളും യൂണിവേര്‍സല്‍   സ്റ്റുഡിയോയുമായി  കടും പിടിത്തം  പിടിച്ചത്  കൊണ്ട്  മാത്രമാണ്   ചിത്രത്തിന്റെ  ക്ലൈമാക്സ്‌  ഇപ്പോഴുള്ളത്  പോലെ  നില  നിര്‍ത്താന്‍  കഴിഞ്ഞത് .

ചിത്രത്തിലഭിനയിച്ച  എല്ലാവരും  മികച്ച  പ്രകടനം  ആയിരുന്നു ,പ്രത്യേകിച്ചും  ചിത്രത്തിലെ  സ്ത്രീ കഥാപാത്രങ്ങള്‍ .നെഗറ്റിവ്  റോളില്‍  ഈസ്റ്റ് വുഡ് മികച്ചു  നിന്നു  . 

മനസ്സില്‍  തങ്ങി  നില്‍ക്കുന്ന  കഥയും  കഥാപാത്രങ്ങളുമുള്ള  മികച്ച  ഒരു  ത്രില്ലെര്‍  ആണ്  The Beguiled.

IMDB: 7.2/10

RT: 91%