മികച്ച ഒരു ടൈം പാസ് എന്റര്‍ടൈനര്‍ .
ക്ലിന്റ് ഈസ്റ്റ്‌വുഡിന്റെ മറ്റു വെസ്റ്റേണ്‍ ചിത്രങ്ങളില്‍ നിന്നും വിഭിന്നമായി ഒരു ലൈറ്റ് സബ്ജെക്റ്റ് ആണ് ചിത്രം കൈകാര്യം ചെയ്യുന്നത് . അക്കാദമി അവാര്‍ഡ്‌ ജേതാവ് ഷര്ളി മക്ലെയ്ന്‍ ആണ് ചിത്രത്തിലെ പ്രധാന കഥാപാത്രം സിസ്റ്റര്‍ സാറയെ അവതരിപ്പിച്ചത് .ഡോണ്‍ സീഗള്‍ ഈസ്റ്റ്‌വുഡ് കൂട്ടുകെട്ടിലെ രണ്ടാമത്തെ ചിത്രം വെസ്റ്റേണ്‍ ചിത്രങ്ങളുടെ ആരാധകരെ ത്രിപ്തിപെടുത്തും .
മെക്സിക്കോയില്‍ ഫ്രഞ്ച് അധിനിവേശം തുടരുന്ന കാലഘട്ടത്തില്‍ ആണ് ചിത്രം പുരോഗമിക്കുന്നത് . ഗണ്‍ ഫൈറ്റര്‍ ഹോഗന്‍ ഒരു മിഷന്‍ സംബന്ധിച്ച് മെക്സിക്കന്‍ അതിര്‍ത്തി കടക്കാന്‍ തീരുമാനിച്ചത് . യാത്രാ മദ്ധ്യേ സാറ എന്ന യുവതിയെ , പീഡിപ്പിക്കാന്‍ ശ്രമിച്ച അക്രമികളില്‍ നിന്നും, ഹോഗന്‍ രക്ഷപ്പെടുത്തുന്നു . സാറ ഒരു കന്യാസ്ത്രീ ആണെന്നും ഫ്രെഞ്ച് പടയോട് പൊരുതുന്ന മെക്സിക്കന്‍ വിപ്ലവകാരികളെ സഹായിക്കാന്‍ വേണ്ടിയാണ് ഈ യാത്ര എന്നും ഹോഗന്‍ മനസിലാക്കുന്നു . വൈകാതെ സാറക്ക് എസ്കോര്‍ട്ട് ആയി ഹോഗനും പുറപ്പെടുന്നു . അവരുടെ സാഹസികമായ യാത്രക്കിടയില്‍ സാറയെ സംബന്ധിച്ച് എന്തൊക്കെയോ നിഗൂഡതകല്‍ ഉണ്ടെന്നു ഹോഗനു തോന്നി തുടങ്ങുന്നു .
ട്രബ്ലിള്‍ വിത്ത്‌ ഹാരി, അപ്പാര്‍ട്ട്മെന്റ് തുടങ്ങിയ ചുരുങ്ങിയ ചിത്രങ്ങള്‍ കൊണ്ട് തന്നെ എന്റെ ഫാവോറൈറ്റ് കളില്‍ ഇടം പിടിച്ച നടിയാണ് ഷര്ളി മക്ലെയ്ന്‍.ഈ ചിത്രത്തിലെ സാറയെന്ന കഥാപാത്രവും മനോഹരമാക്കി ചെയ്തിരിക്കുന്നു . ആല്‍കഹോളിക് ആയ ഗണ്‍ ഫൈറ്റര്‍ ഹോഗന്‍ ആയി ഈസ്റ്റ്‌വുഡ് തിളങ്ങിയെങ്കിലും ഷര്ളി ആണ് ചിത്രത്തിന്റെ കേന്ദ്ര ബിന്ദു .ഇതേ കാരണം കൊണ്ട് തന്നെ പല ഈസ്റ്റ് വുഡ് ആരാധകരും തഴഞ്ഞ ഒരു ചിത്രം കൂടിയാണിത് .
ഒരു പെര്‍ഫെക്റ്റ്‌ ഫിലിം അല്ല ടൂ മ്യൂള്‍ ഫോര്‍ സിസ്റ്റര്‍ സാറ . ഒരുപാട് ഡൈനാമിറ്റ് ചിത്രത്തില്‍ ഉപയോഗിക്ക്കുന്നുണ്ട് .എന്നാല്‍ ഡൈനാമിറ്റ് കണ്ടു പിടിച്ചത് 1867 ഇലും ചിത്രം നടക്കുന്ന കാലഘട്ടം 1861- 1866 ആണെന്നതും ഒരുപാട് വിമര്‍ശിക്കപ്പെട്ടിട്ടുണ്ട് .
ക്രിടിക്സിന്റെ ഇടയില്‍ ഭിന്നഭിപ്രയമുള്ള ഈ ചിത്രം ഒരു നല്ല എന്റര്‍ടൈനര്‍ തന്നെയാണ് .
IMDB: 7/10
RT: 78%
IMDB: 7/10
RT: 78%
No comments:
Post a Comment